ელექტრომობილების ამერიკულმა მწარმოებელმა Tesla Inc-მა 2022 წლის მეოთხე კვარტალში რეკორდული წმინდა მოგება დააფიქსირა და შემოსავალი საგრძნობლად გაზარდა.
როგორც პრესრელიზშია ნათქვამი, წმინდა მოგება, ოქტომბერ-დეკემბერში, გასული წლის ანალოგიური პერიოდის 2,3 მლრდ დოლარიდან, 3,69 მლრდ დოლარამდე გაიზარდა. მოგება აქციაზე 0.68 დოლარიდან დან 1.07 დოლარამდე გაიზარდა.
Tesla-ს კვარტალური შემოსავალი 37%-ით, 24,3 მილიარდ დოლარამდე გაიზარდა.
მთელი 2022 წლის შედეგების მიხედვით, კომპანიის წმინდა მოგება გაორმაგდა და 12,6 მლრდ დოლარი შეადგინა, შემოსავალი ერთნახევარჯერ, 81,5 მლრდ დოლარამდე გაიზარდა. ავტომობილების წარმოება 47%-ით, 1,37 მლნ მანქანამდე, გაყიდვები - 40%-ით, 1,31 მლნ დოლარამდე გაიზარდა.
Tesla-ს აღმასრულებელმა დირექტორმა ელონ მასკმა ინვესტორებთან საკონფერენციო ზარის დროს განაცხადა, რომ კომპანიას შეუძლია წარმოება 2023 წელს 2 მლნ ავტომობილამდე გაზარდოს.
„ჩვენ გვაქვს პოტენციალი, რომ წელს 2 მლნ მანქანა გამოვიმუშაოთ. ამის გარანტიას არ ვიძლევით, უბრალოდ ვამბობ, რომ ამის პოტენციალი გვაქვს, - თქვა მასკმა.
ოთხშაბათს დამატებით ვაჭრობაში ტესლას აქციები 5,5%-ით გაიზარდა. ბოლო სამი თვის განმავლობაში კომპანიის კაპიტალიზაცია 35,7%-ით 454,4 მლრდ დოლარამდე დაეცა, ხოლო Nasdaq-ის ინდექსი ამ პერიოდში 3,1%-ით გაიზარდა.