კრემლთან კავშირის მქონე ოლიგარქები ისკანდერ მახმუდოვი და ანდრეი ბოკარევი აქტიურად განაგრძობენ ბიზნეს საქმიანობას ლატვიაში. ისინი რიგაში კომპანიებს აკონტროლებენ.
The Insider-ის გამოძიების თანახმად, ლატვიის ერთ-ერთ უმსხვილესი საწარმო, რიგის ქარხანა RER-ის, რომელიც ელექტრომოწყობილობებს აწარმოებს მატარებლების, მეტროს ვაგონებისა და სხვა საქალაქო საზოგადოებრივი ტრანსპორტისთვის, აქციების 36%-ს აკონტროლებს რუსული კომპანია TransComponent Holding-ი, რომლის 20-20% ეკუთვნით მახმუდოვს და ბოკარევს, 46% კი, ეკუთვნოდა მოსკოვურ კომპანია Krona Group-ს, რომლის უკანაც ბოკარევი და მახმუდოვი დგანან.
მახმუდოვის და ბოკარევის ქვანახშირის მომპოვებელი და მანქანათმშენებელი კომპანიები იქცნენ რუსეთის სახელმწიფო დაკვეთების ერთ-ერთ ყველაზე მსხვილ შემსრულებლად. ორივე მათგანი წილს ფლობდნენ იარაღის მწარმოებელ კონცერნ „კალაშნიკოვშიც“, სადაც მათი ერთ-ერთი პარტნიორი იყო რუსეთის თავდაცვის მინისტრის ამჟამინდელი მოადგილე ალექსეი კრივორუჩკო. The Insider-ის ცნობით, მახმუდოვმა და ბოკარევმა „კალაშნიკოვის“ წილებზე უარი თქვეს, თუმცა, საკუთარი ქარხნებიდან განაგრძეს რუსეთის სამხედრო გემებისთვის დიზელის მიწოდება.
The Insider-ის ინფორმაციით, მახმუდოვი და ბოკარევი ფიგურირებდნენ „ფულის გათეთრების“ საქმეებშიც.
ლატვია
