იტალიური მაფიის შემოსავლები ქვეყანაში კორონავირუსის ეპიდემიის ფონზე გაიზრდება. ორგანიზებული დანაშაულებრივი ჯგუფები აქტიურად იყენებენ ახალ შესაძლებლობებს თავიანთი ბიზნესისთვის და ასევე ახდენენ ნარკოტიკების გასაღების ქსელის ადაპტირებას შექმნილ ვითარებასთან.
ეპიდემიასთან ერთად გაიზარდა მაფიის მიერ კონტროლირებადი სფეროების რაოდენობა - განაცხადა მწერალმა რობეტო სავიანომ, რომელიც ცნობილია მთელი მსოფლიოსთვის, როგორც ბესტსელერის „გომორა“-ს ავტორი. წიგნი, შემდეგ კი სერიალი აღწერს ნეაპოლიტანური მაფიოზური დაჯგუფების „კამორა“-ს საქმიანობას, ასე რომ სავიანომ კარგად იცის რაზე ლაპარაკობს.
მისი თქმით, კრიმინალები გაასამმაგებენ თავიანთ მოგებას, რადგანაც მათ გაეხსნათ სრულიად ახალი შესაძლებლობები, რომლებიც აქამდე არ ჰქონდათ.
მაგალითად, ისინი ინტერნეტის გამოყენებით ყიდიან პირბადეებს, რომლებიც განკუთვნილი იყო საავადმყოფოებისთვის, და ასევე ახდენენ გავლენას კვების პროდუქტებით ქალაქების მომარაგებაზე.
„როდესაც დაიწყო კრიზისი, მაფიამ გაზარდა ფასები ნარკოტიკებზე, და ყიდის მათ ბევრად უფრო ძვირად, რადგანაც მათ აქვთ შექმნილი დიდი მარაგები. თანაც ისინი უკვე დღეს ემზადებიან ნარკომოხმარების ბუმისთვის, რომელიც სავარაუდოდ იქნება ეპიდემიის დასრულების შემდეგ“, - ამბობს რობერტო სავიანო.
მისი თქმით, კრიზისულ პერიოდში, კოლექტიური სტრესის დროს, ყველაზე მოხმარებადი ნარკოტიკებია მარიხუანა და ჰეროინი, ხოლო კრიზისის დასრულების შემდეგ გაიზრდება მოთხოვნა კოკაინზე - სწორედ ამაზე ამყარებენ დიდ იმედებს მაფიის ბოსები, რომლებიც უკვე დღეს ქმნიან ამ ფხვნილის მარაგებს.
ნავსადგურები გაჩერებულია, ეპიდემიის დროს არ ხდება ტვირთების შემოწმება და ამიტომაც კოკაინის შემოტანა იქნება გაცილებით უფრო ადვილი, ვიდრე ჩვეულებრივ სიტუაციაში. მწერლის აზრით, კრიზისის დროს კოკაინის შემოტანა მიაღწევს ისტორიულ მაქსიმუმს.
„ნარკოდილერები უკვე ახერხებენ გადაადგილებაზე შემოღებული შეზღუდვებისგან თავის არიდებას - ისინი ასაღებენ თავს პიცის მიმტანებად, და თავისუფლად მოძრაობენ მოტოციკლებით სამხრეთ იტალიის ქალაქებში“, - ამბობს მაფიასთან ბრძოლის პროკურორი ნიკოლა გრატერი.
მისი თქმით, კარანტინის გამო ჩვეულებრივი, ტრადიციული ნარკოვაჭრობა თითქმის შეჩერდა, თუმცა, ნარკომოვაჭრეები იცმევენ პიცის მიმტანების ტანსაცმელში, და მიაქვთ ნარკოტიკები სახლებში.
კრიზისის შემდეგ ასევე მოსალოდნელია ვირუსის მიერ გამოწვეული კატასტროფის შედეგად გამოძალვის და რეკეტის ზრდაც.
„რესტორნების, სასტუმროების, და პიცერიების მასობრივი დახურვა მოახდენს დამანგრეველ გავლენას ეკონომიკაზე. თუ სახელმწიფო ვერ დაეხმარება მეწარმეებს უახლოეს პერიოდში, ბევრი დადგება გაკოტრების წინაში, და მიმართავს სესხის ასაღებად მაფიას. ასევე იყო 2008 წლის კრიზისის შემდეგ, როდესაც კრიმინალებმა გამოიყენეს თავიანთი უზარმაზარი კაპიტალები ბიზნესის დიდი ნაწილის დაფინანსების, შემდეგ კი ხელში ჩაგდებისთვის. სავარაუდოდ, ასე იქნება პანდემიის დასრულების შემდეგაც“ - დარწმუნებულია გრატერი.
მეტიც, მაფია წარმოადგენს სერიოზულ პრობლემას უკვე დღესაც კი, ეპიდემიის დროს. ქვეყნის შინაგან საქმეთა სამინისტროს აზრით, სამხრეთ იტალიაში არსებობს სტიქიური და ორგანიზებული აჯანყებების საფრთხე, რომელიც დაკავშირებულია ჩრდილოვანი ეკონომიკის მაღალ დონესთან, და მაფიის საყოველთაო გავლენასთან ამ რეგიონებში.
სამხრეთ იტალიაში ჩრდილოვან და არაოფიციალურ ეკონომიკაში მუშაობს თითქმის 4 მლნ. ადამიანი, ყოველი მე-4 იღებს ხელფასს და არ იხდის გადასახადებს, დღეს კი მთელი ეს უზარმაზარი ფენა დარჩა შემოსავლის წყაროს გარეშე. მაფიოზები შეეცდებიან ამის გამოყენებას თავისთვის სასარგებლოდ.
სიცილიაში და ნეაპოლში გახშირდა ადამიანების ძარცვები, არ გადის თითქმის არც ერთი დღე აფთიაქების დაყაჩაღების გარეშე. პალერმოში 20-კაციანმა ჯგუფმა სცადა სუპერმარკეტიდან პროდუქტებით სავსე ურიკების გატანა, და მათი შეჩერება მოახერხა მხოლოდ გამოძახებულმა პოლიციამ.
სადღეისოდ პოლიცია აკონტროლებს ყველა მსხვილ სავაჭრო ობიექტს, ხოლო პალერმოს მერმა განაცხადა, რომ გააქტიურდნენ „ტურები“ და „პროფესიონალი მეამბოხეები, რომლებიც არც მალავენ, რომ არიან მაფიის წევრები“.