2021 წლის განმავლობაში 18 სადაზღვევო კომპანიის ავტოდაზღვევამ მომხმარებლებს 95 947 712 ლარი აუნაზღაურა. ამის შესახებ ინფორმაცია დაზღვევის ზედამხედველობის სამსახურის მიერ გამოქვეყნებულ ანგარიშშია მოცემული.

ავტოდაზღვევის ბაზარზე ანაზღაურებული ზარალის მიხედვით „სადაზღვევო კომპანია ალდაგია“ ლიდერობს, მეორე ადგილზე კი „თიბისი დაზღვევამ“ გადაინაცვლა, რომელიც წინა კვარტლის მონაცემებით პირველ ადგილზე იყო. სადაზღვევო კომპანიების ხუთეული კი შემდეგნაირად გამოიყურება:

სს „სადაზღვევო კომპანია ალდაგი“ — 21,391,996 ლარი,

სს „თიბისი დაზღვევა“ — 21,123,320 ლარი,

სს „სადაზღვევო კომპანია ჯი პი აი ჰოლდინგი“ - 15,292,017 ლარი,

სს „ნიუ ვიჟენ“ დაზღვევა — 6,545,827 ლარი,

სს „დაზღვევის საერთაშორისო კომპანია ირაო“ — 4,660,117 ლარი.

2021 წლის განმავლობაში დაზღვეულ სახმელეთო ავტოსატრანსპორტო საშუალებათა რაოდენობამ 131 446 ერთეული შეადგინა.

სახმელეთო ავტოსატრანსპორტო საშუალებათა დაზღვევის (ავტოკასკო) რაოდენობის მიხედვით სადაზღვევო კომპანიების ხუთეული შემდეგნაირად გამოიყურება:

სს თიბისი დაზღვევა - 27,020;

სს სადაზღვევო კომპანია ჯი პი აი ჰოლდინგი- 24,208;

სს სადაზღვევო კომპანია ალდაგი - 24,131;

სს ნიუ ვიჟენ დაზღვევა - 12,816;

სს დაზღვევის საერთაშორისო კომპანია ირაო - 6,663.

საქართველოში რეგისტრირებული ავტომობილების მხოლოდ 7% არის დაზღვეული.