შვეიცარიაში წარმოადგინეს გიგანტური ტირანოზავრის რექსის ჩონჩხი, რომელიც 67 მილიონი წლისაა. მისი გაყიდვა ციურიხში 2023 წლის 18 აპრილს იგეგმება.

როგორც Reuters-ი იტყობინება, უზარმაზარი მტაცებელი, სახელად TRX-293 Trinity, სავარაუდოდ, 5-8 მილიონ შვეიცარიულ ფრანკად (5,43-8,7 მილიონი აშშ დოლარი) გაიყიდება.

ტირანოზავრი რექსი 3,9 მეტრი სიმაღლის და 11,6 მეტრი სიგრძისაა. ეს მხოლოდ მესამე შემთხვევაა, როდესაც T-Rex-ის ჩონჩხი გამოტანილია აუქციონზე და ასევე პირველად არის ხელმისაწვდომი ევროპაში.

გაქვავებული TRX-ი დიდ ინტერესს იწვევს, რადგან თითქმის ყველა სხვა ჩონჩხი ინახება მუზეუმებში. ჩრდილოეთ ამერიკაში ნაპოვნი კიდევ ორი ტირანოზავრი 1997 და 2020 წლებში 8,4 და 31,8 მილიონ დოლარად გაიყიდა.

„ეს არ არის ასლი, ორიგინალია და ისინი ძალიან ცოტაა. 1970 ან 1980 წლამდე, ათზე ნაკლები ტირანოზავრი იყო, მათი უმეტესობა უკვე იყო შეერთებული შტატების მუზეუმებში“, - განმარტა ჰანს იაკობ-სიბერმა, შვეიცარიის აათალ დინოზავრის მუზეუმის პალეონტოლოგმა.