Toblerone-ის შეფუთვიდან შვეიცარიის მატერჰორნის მწვერვალის გამოსახულება მალე გაქრება, რადგან ბრენდის ამერიკელი მფლობელი შვეიცარიის ფარგლებს გარეთ გადის — ამის შესახებ ინფორმაციას Bloomberg ავრცელებს.

გამოცემის ცნობით Mondelez International, რომელიც სამკუთხა შოკოლადებს აწარმოებს, კანონმდებლობიდან გამომდინარე შეფუთვაზე გამოსახულ მთის დიზაინს ცვლის. როგორც ცნობილია Mondelez-ი Toblerone-ისგასულ წელს წარმოების ნაწილობრივ სლოვაკეთში გადატანას გეგმავდა, რის გამოც კომპანია შეფუთვის დიზაინს ცვლის და ლოგოზე მატერჰორნის ნაცვლად, უფრო ზოგადი მთის ფორმა იქნება გამოსახული. 

„შეფუთვის განახლებული დიზაინი მოიცავს მოდერნიზებული და გამარტივებული მთის ლოგოს, რომელიც შეესაბამება გეომეტრიულ და სამკუთხა ესთეტიკას“, - განუცხადა Mondelez-ის წარმომადგენელმა Aargauer Zeitung-ს.

2017 წელს მიღებული შვეიცარული კანონის თანახმად, იმისათვის, რომ საკვებ პროდუქტებზე გამოსახული იყოს შვეიცარიის ეროვნულ სიმბოლოები, მასში გამოყენებული მასალის მინიმუმ  80% უნდა იყოს შვეიცარიული. გარდა ამისა, პროდუქტი ვერ ჩაითვლება შვეიცარიულად, თუ მისი წარმოების ძირითადი სამუშაოები ქვეყნის გარეთ ხორციელდება.