ციტრუსის მოსავლის რეალიზაციის ხელშეწყობის ღონისძიებების შეუფერხებლად განხორციელების მიზნით, აჭარის მთავრობის თავმჯდომარე თორნიკე რიჟვაძემ, სოფლის მეურნეობის მინისტრთან ერთად, გადამზიდავი კომპანიების წარმომადგენლებთან სამუშაო შეხვედრა გამართა. ინფორმაციას აჭარის მთავრობის პრესსამსახური ავრცელებს.
„შეხვედრის მიზანს წარმოადგენდა მიმდინარე წლის ციტრუსის და ხურმის სეზონთან დაკავშირებული საორგანიზაციო საკითხების განხილვა, პროდუქციის დამზადების, შესაფუთი მასალით უზრუნველყოფისა და საექსპორტო ბაზრებზე კონკურენტუნარიანი სახით პროდუქციის მიწოდება.
შეხვედრაზე არსებულ გამოწვევებსა და სახელმწიფოს მხრიდან ხელშეწყობის მექანიზმებზე იმსჯელეს.
წელს ციტრუსის მოსავლის საპროგნოზო მაჩვენებელი 70 ათასი ტონას შეადგენს. წელსვე, აჭარაში 3600 ტონა ხურმის მოსავალს ელოდებიან.
აჭარის სავაჭრო-სამრეწველო პალატა ციტრუსის სეზონის ერთი ფანჯრის პრონციპით განხორციელდებას უზრუნველყოფს.
ექსპორტიორებთან შეხვედრის შემდეგ, აჭარის აგროსერვის ცენტრის სანერგე სადემონსტრაციო ნაკვეთში საადრეო მანდარინი დაიკრიფა“ – ნათქვამია ინფორმაციაში.
თორნიკე რიჟვაძე
