კომპანია „დიოს“ აღმასრულებელი დირექტორი თამაზ დუაშვილი სოციალურ ქსელში განცხადებას ავრცელებს და ახალგაზრდებს არჩევნებში მონაწილეობისკენ მოუწოდეს. მისი თქმით თუ ახალგაზრდები არჩევნებზე არ წავლენ, მათ მაგივრად არჩევნას მშობლები და ბებია-ბაბუები გააკეთებენ.
დუაშვილი სოციალურ ქსელში წერს, რომ არჩევნებში მონაწილეობას თავად ვერ იღებს რადგან საქართველოში არ იმყოფება.
„დილა მშვიდობის მეგობრებო. საქართველოს დაომოუკიდებლობის ოცდაათწლიანი ისტორიის მანძილზე პირველად ხდება, რომ ვერ მივდივარ არჩევნებზე, რადგან უცხოეთში ვიმყოფები მივლინებით. არჩევენები ეს არის კაცობრიობის უდიდესი მონაპოვარი და დემოკრატიის ფუნდამეტი. არ არსებობს არჩევნები არ არსებობს სახელმწიფო. არ არსებობს სამართლიანი არჩევნები, ესეიგი არ არსებობს დემოკრატიული სახელმწიფო. უამრავმა ადმიანამა შესწირა თავისი სიცოცხლე, რომ გვეცხოვრა თავისუფალ და დემოკრატიულ სახელმწიფოში, სადაც სწორედ არჩევნების გზით ავირჩევდით ჩვენთვის სასურველ მთავრობებს.“- წერს თამაზ დუაშვილი.
დუაშვილი ასევე აღნიშნავს, რომ თანამედროვე, წარმატებული და დემოკრატიული სახელმწიფოს მთავარი ნიშანია, რომ ცვლილებები წორედ არჩევნების გზით ხდებოდეს და ქვეყანა ვითარდებოდეს.
„ეს თანამედროვე, წარმატებული დემოკრატიული სახელმწიფოს მთავარი ნიშანია, რომ სწორედ არჩევნების გზით ხდებოდეს ცვლილებები და ქვეყანა ვითარდებოდეს. ცნობილია, რომ ცუდ მთავრობებს ირჩევენ არა ისინი, ვინც მიდაიან არჩევნებზე, არამედ ისინი, ვინც რჩებიან სახლში. პასიურობა არაფერში არ ვარგა და განსაკუთრებით, კი არჩევნების დღეს. მინდა მივმართო 18-30 წლის ახალგაზრდებს: თუ თქვენ არ მიხვალთ არჩევნებზე, მაშინ თქვენ ბედს გადაწყვეტენ თქვენი მშობლები და ბებია-ბაბუები. რაც არ უნდა გვიყვარდეს ჩვენი უფროსი თაობა, თქვენი პასიურობით და არჩევნებზე არ წასვლით, ნუ გადააბარებთ მათ თქვენი მომავლის განსაზღვრის უფლებას. თქვენი გასაკეთებელი საქმე თქვენვე უნდა გააკეთოთ და თქვენი მოსაწონი მთავრობა თავად უნდა აირჩიოთ. ასე მჯეროდა მე და სწორედ ამიტომ არასდროს არ გამიცდენია არცერთი არჩევნები. თქვენი დიდი იმედი მაქვს, რომ, არ დარჩებით სახლში და თქვენი აქტიურობით საკუთარ წვლილს შეიტანთ უკეთესი საქართელოს მშენებლობაში. გაუმარჯოს დამოუკიდებელ, დემოკრატიულ და თავისუფალ საქართველოს!“, - წერს თამაზ დაუშვილი.