თუ ოსკარის ცერემონიაზე ზელენსკის არ მიიწვევენ, მსახიობი შონ პენი თავისი ოსკარის გადაადნობს. მან ჰოლივუდის ვარსკვლავებსაც მოუწოდა, ბოიკოტი გამოუცხადონ ოსკარის დაჯილდოების ცერემონიას, თუ ცერემონიაზე უკრაინის პრეზიდენტი არ იქნება მოწვეული.
მსახიობის შეფასებით, თუ აკადემიას არ აქვს გადაწყვეტილი ზელენსკის ცერემონიაზე მიწვევა, ეს ჰოლივუდის ისტორიაში ყველაზე უწესო მომენტი იქნება.
თუ ასე მოხდება, ყველა ჩართულ ადამიანს მოვუწოდებ, რომ მართალია ეს შესაძლოა მათი მომენტი იყოს, მათი ფილმების აღნიშვნის დრო, ეს მესმის, მაგრამ უფრო მნიშვნელოვანია, რომ ეს არის მომენტი როცა შეუძლიათ პროტესტი გამოხატონ და აკადემიის დაჯილდოებას ბოიკოტი გამოუცხადონ..... მე თვითონ, თუ აქამდე მივა საქმე, როცა დავბრუნდები, ჩემს ოსკარს საჯაროდ გადავადნობ, - თქვა პენმა.
შეგახსენებთ, მანამდე ცერემონიის თანაწამყვანმა, ემი შუმერმაც დააყენა ცერემონიაზე ზელენსკის მიწვევის საკითხი.
ვნობისთვის, 2022 წლის ოსკარის დაჯილდოების ცერემონია 27 მარტს გაიმართება. ჯერ კიდევ უცნობია, მიიღებს თუ არა მასში მონაწილეობას უკრაინის პრეზიდენტი.