„თუ ხარ კონსტიტუციური ორგანო და ევროკავშირისა თუ ევროატლანტიკური ქვეყნების მთავრობების მიერ დაფინანსებულ პირებს უცხო ძალის აგენტებად დაარეგისტრირებ, არღვევ თუ არა კონსტიტუციის 78-ე მუხლს?“ - ასე ეხმაურება ბიზნესმენი თამაზ დაუშვილი პარლამენტის მიერ ე.წ. აგენტების კანონპროექტების პირველი მოსმენით მიღების საკითხს სოციალურ ქსელში.
„საქართველოს კონსტიტუცია.
მუხლი 78
„კონსტიტუციურმა ორგანოებმა თავიანთი უფლებამოსილების ფარგლებში მიიღონ ყველა ზომა ევროპის კავშირისა და ჩრდილოატლანტიკურ ხელშეკრულების ორგანიზაციაში საქართველოს სრული ინტეგრაციის უზრუნველსაყოფად.
ახლა მაქვს ასეთი კონკრეტული კითხვა: თუ ხარ კონსტიტუციური ორგანო და ევროკავშირისა თუ ევროატლანტიკური ქვეყნების მთავრობების და ამ ქვეყნების სხვადასხვა დონორი ორგანიზაციების მიერ დაფინანსებულ ფიზიკურ თუ იურიდიულ პირებს ამ კანონის მიღებით უცხო ძალის გავლენის აგენტებად დაარეგისტრირებ და ამით გამოიწვევ ამ ქვეყნის მთავრობების აღშფოთებას და პროტესტს, არღვევ თუ არა ამ ქმედებით კონსტიტუციის 78-ე მუხლს?,“- წერს დაუშვილი.