თურქეთი მიმდინარე წლის ნოემბერში დაასრულებს მილსადენის მშენებლობას შავი ზღვიდან გაზის სისტემასთან დასაკავშირებლად, განაცხადა თურქეთის პრეზიდენტმა პრეზიდენტმა თაიფ ერდოღანმა. აღნიშნულის შესახებ ინფორმაციას Ria ლებს.
მანამდე გაზეთი Sabah წერდა, რომ თურქეთი შავ ზღვაში მდებარე საკარიას საბადოდან 540 მილიარდი კუბური მეტრი გაზის მოპოვებისა და ტრანსპორტირების პროექტში თითქმის 10 მილიარდ დოლარს ჩადებს. გეგმის მიხედვით, პირველი გაზი საბადოდან თურქეთში 2023 წელს უნდა შევიდეს. შავ ზღვაში აღმოჩენილი გაზის ღირებულება 400 მილიარდ დოლარად ფასდება.
„BOTAŞ (თურქეთის სახელმწიფო კომპანია) ამ თვეში დაასრულებს ხმელეთზე გაზის მილსადენს ეროვნულ სისტემასთან დასაკავშირებლად“, - ციტირებს საინფორმაციო სააგენტო Anadolu ერდოღანს.
ერდოღანმა დასძინა, რომ თანამედროვე საბურღი დანადგარების წყალობით, თურქეთის შესაძლებლობები მნიშვნელოვნად გაფართოვდა. მან აღნიშნა, რომ უკვე არის წინადადებები თანამშრომლობის შესახებ ნახშირწყალბადების მოძიებაში, წარმოებასა და ტრანსპორტირებაში.
შავ ზღვაში გაზის საბადოს აღმოჩენის შესახებ თურქეთის ხელისუფლებამ 2020 წელს გამოაცხადა, ხოლო ქვეყანამ შავი ზღვის ფსკერზე მილსადენის მშენებლობა მიმდინარე წლის ივნისიდან დაიწყო, რომელიც ზღვაში მდებარე საბადოს ხმელეთს დააკავშირებს, შემდეგ კი – ეროვნულ გაზგამანაწილებელ ქსელს.
13 ივნისს, მშენებლობის დაწყების ოფიციალურ ცერემონიაზე გამოსვლისას, პრეზიდენტმა რეჯეპ თაიფ ერდოღანმა განაცხადა, რომ პირველ ეტაპზე, დღე-ღამეში მოიპოვებენ დაახლოებით 10 მილიონ კუბურ მეტრ ბუნებრივ გაზს, რომლის მიღებასაც თურქეთის მომხმარებლები 2023 წლის პირველი კვარტლიდან შეძლებენ. ერდოღანის თანახმად, მოპოვება ეტაპობრივად გაიზრდება და მაქსიმუმს 2026 წლისთვის მიაღწევს. თურქეთის ენერგეტიკის სამინისტროს ინფორმაციით, მეორე ეტაპზე გაზის მოპოვებას დღე-ღამეში 40 მილიონ კუბურ მეტრამდე გაზრდიან და შესაძლოა, 50 მილიონამდეც ავიდნენ.