14-15 თებერვალს სტამბოლის გაზის სამიტი (Istanbul Gas Summit) გაიმართება, რომელში მონაწილეობასაც ახლო აღმოსავლეთის, ხმელთაშუა ზღვის და ცენტრალური აზიის გაზის მწარმოებელი ქვეყნების წარმომადგენლები, ასევე ევროპელი მომხმარებლები მიიღებენ მონაწილეობას. ამის შესახებ სააგენტო Anadolu თურქეთის ენერგეტიკისა და ბუნებრივი რესურსების მინისტრ ფატიჰ დონმეზზე დაყრდნობით იტყობინება.
ფატიჰ დონმეზე იმასაც აცხადებს, რომ ანკარა, ბულგარეთთან ერთად, ჩრდილოეთ მაკედონიისთვის, რუმინეთისა და მოლდოვისთვის გაზის მიწოდების საკითხს განიხილავს და თურქული მხარე ომანთან 10-წლიანი კონტრაქტის გასაფორმებლად, წელიწადში 1,4 მილიარდი გაზის, შესყიდვისთვის ემზადება.
შეგახსენებთ, რომ ინიციატივა გაზის ჰაბის შექმნასთან დაკავშირებით რუსეთის პრეზიდენტ ვლადიმირ პუტინს ეკუთვნის. მან 2022 წლის თურქეთს გაზის ჰაბის შექმნის შესახებ 12 ოქტომბერს შესთავაზა, რომლის მეშვეობითაც ჩრდილოეთ ნაკადის გავლით ტრანზიტის დაკარგული მოცულობის გადამისამართება იქნებოდა შესაძლებელი.
2022 წლის დეკემბრის ბოლოს „გაზპრომის“ ხელმძღვანელმა ალექსეი მილერმა განაცხადა, რომ მოსკოვმა და ანკარამ თურქეთში გაზის ჰაბის შექმნის პროექტის განსახორციელებლად მუშაობა უკვე დაიწყეს. მაშინ მილერმა განაცხადა, რომ გაზის ჰაბი ბუნებრივი აირის ბაზარზე გამჭვირვალე და სამართლიან ფასებს უზრუნველყოფს.
გაზის სამინიტი
