თურქეთის ცენტრალურმა ბანკმა ინფლაციის პროგნოზი 60,4%-დან 65,2%-მდე გაზარდა. ქვეყნის ცენტრალური ბანკის ხელმძღვანელმა, საჰაპ კავჩიოღლუმ აღიარა, რომ მარეგულირებლის ქმედებები ინფლაციის შესაჩერებლად ჯერ კიდევ „არ არის ძალიან წარმატებული“.

კავჩიოღლუმ აღნიშნა ისიც, რომ თურქეთის ცენტრალური ბანკი არც ისე წარმატებულია ფასების ზრდის შეკავებაში. თურქეთმა ინფლაციის პროგნოზს მიმდინარე წელს უკვე მეოთხედ გადახედა.

სექტემბერში, თურქეთის ცენტრალურმა ბანკმა ორ თვეში ორჯერ შეამცირა განაკვეთი, რის გამოც ქვეყანაში წლიურმა ინფლაციამ 24 წლის მაქსიმუმს 83,45%-ს მიაღწია.

ოქტომბერში, მონეტარული პოლიტიკის კომიტეტის სხდომაზე, ცენტრალურმა ბანკმა კვლავ შეამცირა განაკვეთი მოსალოდნელზე მეტით, 150 საბაზისო პუნქტით, 10,5%-მდე, წერს Reuters. ანალოგიური კლება მოსალოდნელია ნოემბერშიც. ეს მას შემდეგ მოხდა, რაც პრეზიდენტმა რეჯეფ თაიფ ერდოღანმა ქვეყნის ცენტრალურ ბანკს, წლის ბოლომდე განაკვეთის10%-ზე დაბლა დაწევისკენ მოუწოდა. ბანკმა ასევე გაზარდა ინფლაციის პროგნოზი 2023 წლის ბოლომდე. მოსალოდნელია, რომ ის 19.2%-დან 22.3%-მდე გაიზრდება.

„ინფლაცია სწრაფად შემცირდება, რადგან მიწოდება გრძელდება, ვალუტის კურსი სტაბილური რჩება და ფასები ნორმალიზება“, - განუცხადა ჩავჩიოღლუმ ჟურნალისტებს ანკარაში გამართულ პრესკონფერენციაზე.

კითხვაზე, მოახერხა თუ არა ბანკმა ინფლაციის შემცირება, მან უპასუხა, რომ წარმატებულად არ თვლის ცენტრალური ბანკის ქმედებებს. მისი აზრით, ფასების სტაბილიზაციის წინაპირობაა გრძელვადიანი დადებითი სავაჭრო ბალანსის მიღწევა და ლირის დომინირება შინამეურნეობების, ბანკებისა და კომპანიების ბალანსებში.