თურქეთმა 7 თვეში 23 მილიონზე მეტ ტურისტს უმასპინძლა. trt.net.tr-ს ინფორმაციით, თურქეთში ტურისტების რაოდენობა იანვარ-ივლისში წინა წლის ანალოგიურ პერიოდთან შედარებით 128,28%-ით გაიზარდა და 23 მლნ 30 ათას 209-ს მიაღწია.

ქვეყნის კულტურისა და ტურიზმის სამინისტრო მონაცემებით, იანვარ-ივლისში თურქეთში ყველაზე მეტი ტურისტი 2 მლნ 992 ათას 551  ჩავიდა გერმანიიდან და ეს ციფრი წინა წლის ანალოგიურ პერიოდთან შედარებით 137,36%-ით მეტია, მეორე ადგილზეა რუსეთის ფედერაცია 41,36%-იანი ზრდით, რაც 2 მლნ 197 ათას 331 ადამიანია, მესამე ადგილზეა ინგლისი (გაერთიანებული სამეფო) 1 მლნ 810 ათას 248 ტურისტით.

ბრიტანეთს მოჰყვება ბულგარეთი და ირანი.

მიმდინარე წლის ივლისში თურქეთმა 6 მილიონ 665 ათას 129 ვიზიტორს უმასპინძლა, წინა წლის ანალოგიურ თვესთან შედარებით 52,84 პროცენტით მეტია.

ყველაზე მეტი ვიზიტორის გამომგზავნი ქვეყნების რეიტინგში პირველია გერმანია 962 ათას 3 ვიზიტორით, მეორეზე რუსეთის ფედერაცია 741 ათას 419 ადამიანით, ხოლო მესამეზე დიდი ბრიტანეთი 545 ათას 973 ადამიანით.

ინგლისს მოჰყვება ნიდერლანდები და ბულგარეთი.

აღსანიშნავია, რომ სტამბოლმა მიმდინარე წლის ივლისში, 1 მილიონ 759 ათას 506 უცხოელ ტურისტს უმასპინძლა, რაც ამ სფეროში ბოლო 10 წლის განმავლობაში ყველაზე მაღალი მაჩვენებელია.

სტამბულის კულტურისა და ტურიზმის დირექტორატის მონაცემებით, წლის პირველ 7 თვეში ქალაქში შემოსული უცხოელი ტურისტების რაოდენობამ 8 მილიონ 514 ათას 806 შეადგინა. რაც შეეხება მიმდინარე წლის ივლისის თვეს, ამ რიცხვმა 1 მილიონ 759 ათას 506-ს მიაღწია. სტამბოლს მიმდინარე წელს ყველაზე მეტი ტურისტი გერმანიიდან, რუსეთიდან, აშშ-დან, ირანიდან, საუდის არაბეთიდან და დიდი ბრიტანეთიდან ეწვივნენ.