ცოცხალი ხილისა და ბოსტნეულის შესაფუთი მასალების თურქელმა კომპანიამ Aypek ახალი პლატიკატის პაკეტი შექმნა, რომელიც სინესტეს არეგულირებს, რათა მისი შიგდავსი დიდი ხნის განმავლობაში შენარჩუნდეს ცოცხლად. შესაძლებელია პაკეტის მომართვა კონკრეტული პროდუქტის შესანახად და ტრანსპორტირებისთვის.
ხორხე ლონგორიას თქმით, რომელიც ცოცხალი ხილ–ბოსტნეულის შეფუთვების მწარმოებელი თურქული კომპანიის Aypek პროდუქტების მენეჯერია, ახალი შეფუთვა Lifepack ნებისმიერი ახალი პროდუქტის შესანახად შეიძლება მოიმართოს: „Lifepack ნებისმიერი ახალი პროდუქტისთვის არის შექმნილი. ყველა პროდუქტისთვის შესაბამის პაკეტს ვაწარმოებთ. ჩვენს კლიენტებს მათი გამოყენება როგორც ცივი შენახვისთვის, ისე ექსპორტისთვის შეუძლიათ. ყველაზე მთავარი კი ისაა, რომ შეფუთვის ზომას დამკვეთის ყუთის ზომის შესაბამისად ვაწარმოებთ“.
ლონგორიას თქმით, Lifepack ეკონომიურია და იძლევა იმის გარანტიას, რომ ახალი პროდუქტები ფერს, გემოს და თვისებებს არ დაკარგავენ. მისივე თქმით, ეს ახალი პაკეტები ეფექტიანობით, გამძლეობით და დაბალი ფასით გამოირჩევა.
„ჩვენი ჩანთები პლასტიკატისგან კეთდება. ინჟინრებმა ახალი პროდუქტების სუნთქვის გაუმჯობესების მიზნით შექმნეს ახალი ტექნოლოგია, ხოლო სწორ ტემპერატურულ რეჟიმში შენახვის შემთხვევაში Lifepack–ის პაკეტები პროდუქტს კონკურენტულ იერსახეს და თვისებებს შეუნარჩუნებს. ტენიანობის შემცირების ხარჯზე პაკეტი შიდა მიკრობების აღმოცენებას ზღუდავს. თათვად პაკეტი საკმაოდ მყარია და პროდუქტი მასში არ იკაწრება“, – განმარტავს ხორხე ლონგორია.
EastFruit