თურქეთის თავდაცვის მინისტრმა, ჰელუსი აქარიმ, ოდესაზე რუსეთის ავიაციის თავდასხმის თაობაზე განაცხადა, რომ რუსული მხარის თქმით, „მათ აბსოლუტურად არაფერი აქვთ საერთო ამ თავდასხმასთან და რომ ისინი ამ საკითხს ძალიან ყურადღებით და დეტალურად იძიებენ“, და რომ თავდასხმა ძალიან სამწუხაროა. ამის თაობაზე ცნობას ავრცელებს გერმანიის რადიოსადგური Deutschlandfunk-ი. 

თურქეთმა, რომელიც მონაწილეობდა უკრაინიდან მარცვლეულის ექსპორტის შესახებ შეთანხმების შუამავლობაში, მოუწოდა ყველა მხარეს გააგრძელონ შეთანხმებული თანამშრომლობა.

უკრაინის არმიამ 23 ივლისს გაავრცელა ცნობა, რომ უკრაინის სანავსადგურო ქალაქ ოდესას რამდენიმე რაკეტა მოხვდა. დარტყმა მიაყენეს ნავსადგურის ინფრასტრუქტურას, რომელიც მნიშვნელოვანი ტერმინალია შავ ზღვაზე.

თავდასხმა მოხდა მარცვლეულის ექსპორტის განახლების შესახებ ხელშეკრულების გაფორმების მეორე დღეს. უკრაინის პორტები ბლოკირებულია ომის გამო.

უკრაინის სამხრეთის ოპერატიული სარდლობა Telegram-ით იტყობინებოდა, რომ ოდესის სავაჭრო ნავსადგურს ესროლეს ფრთოსანი რაკეტები „კალიბრი“. ორი რაკეტა მიზანს მოხვდა, ორი საჰაერო თავდაცვამ გადაიტაცა.

უკრაინამ 23 ივლისს რუსეთი დაადანაშაულა სტამბოლში ხელმოწერილი შეთანხმების ჩაშლის მცდელობაში, რომელიც შავი ზღვის პორტებიდან უკრაინული მარცვლეულის ექსპორტის განახლებას ითვალისწინებს. ოდესის პორტის სავაჭრო ნაწილის ინფრასტრუქტურისთვის სარაკეტო ცეცხლის დაშენის შემდეგ. სტამბოლში 22 ივლისს ერთ შეთანხმებას ხელი მოაწერეს უკრაინამ, თურქეთმა და გაერომ, მეორეს - რუსეთმა, თურქეთმა და გაერომ. ამ დოკუმენტების მოქმედების ვადა, გავრცელებული ცნობებით, 120 დღეა.

წყარო: radiotavisupleba.ge