თურქული ჩაის გაყიდვების მოცულობამ ზრდა 2018 წლიდან დაიწყო და უკვე 2022 წელს 22 მილიონ 817 ათას 725 დოლარს მიაღწია.
აღმოსავლეთ შავი ზღვის რეგიონის ექსპორტიორთა კავშირის (DKİB) მონაცემებზე დაყრდნობით Anadolu წერს, რომ თურქეთმა 2018 წელს 3 608 ტონა ჩაი ექსპორტი განახორციელა, რომლის საერთო ღირებულებაც 13 235 900 აშშ დოლარს შეადგენდა. 2019 წელს ქვეყანამ ექსპორტზე 4 000 ტონა ჩაი გაიტანა, რომლის საექსპორტო ფასიც 15 მილიონი 247 ათას 563 დოლარი იყო. 2020 წელს - 4 750 ტონა ჩაი 17 მილიონ 436 ათას 542 დოლარის ღირებულების და 2021 წელს - 5 500 ტონა 19 მილიონ 574 ათასი დოლარის ღირებულების.
ჩაის გაყიდვების ზრდის ტენდენცია გაგრძელდა 2022 წელსაც. ამრიგად, თურქეთმა განსახილველ პერიოდში ექსპორტზე 6322 ტონა ჩაი გაიტანა. ამ პროდუქციის რეალიზაციით მიღებულმა შემოსავალმა კი 22 მილიონ 817 ათას 725 დოლარი შეადგინა.
ამრიგად, ბოლო ხუთი წლის განმავლობაში თურქული ჩაის ექსპორტი 72 პროცენტით გაიზარდა.
სტატისტიკური მაჩვენებლების მიხედვით, თურქეთმა ჩაი ექსპორტზე 2022 წელს 111 ქვეყანაში, ავტონომიურ და თავისუფალ ზონაში გაატარა.
საანგარიშო პერიოდში თურქეთიდან ჩაის წამყვანი იმპორტიორი ქვეყნები იყვნენ ბელგია, დიდი ბრიტანეთი, ჩრდილოეთ კვიპროსის თურქული რესპუბლიკა (TRNC), გერმანია და აშშ.
ჩაის ექსპორტმა ბელგიაში 4 მილიონ 168 ათას 419 დოლარი შეადგინა, დიდ ბრიტანეთში - 3 მილიონ 34 ათას 212 დოლარი, TRNC - 2 მილიონ 226 ათას 655 დოლარი, გერმანიაში - 2 მილიონ 184 ათას 61 დოლარი და აშშ-ში - 1 მილიონ 535 ათას 353 დოლარი.
გარდა ამისა, თურქული ჩაი ასევე გადიოდა იტალიაში, კონგოში, იემენში, კოლუმბიასა და მაიოტაში, სადაც გაყიდვები აქამდე არ ხდებოდა.