თურქული სწრაფი კვების ქსელი Chitir Chicken მოლაპარაკებებს აწარმოებს რუსულ სავაჭრო ცენტრებთან რუსეთში გახსნაზე. პირველი ობიექტები შეიძლება ერთ თვეში გამოჩნდეს.
საწყის ეტაპზე კომპანია 5-10 საკუთარი დაწესებულების გახსნას გეგმავს, განუცხადა „იზვესტიას“ რუსეთის, ბელორუსისა და ყაზახეთის სავაჭრო ცენტრების კავშირის ხელმძღვანელმა.
Chitir Chicken-ს რამდენიმე კვირა დასჭირდება შენობის განახლებისა და კეთილმოწყობისთვის. სამომავლოდ შესაძლებელია დაიგეგმოს ფრენჩაიზის ქსელის შექმნა 500-600 რესტორნით. უპირველეს ყოვლისა, კომპანია დაინტერესებულია მოსკოვით, სანქტ-პეტერბურგით, ყაზანით, ვოლგოგრადით, სამარათ და ეკატერინბურგით.
შაკიროვის აზრით, Chitir Chicken-ის რესტორნებს შეუძლიათ შესთავაზონ მაკდონალდსის შენობა. მისივე თქმით, სავაჭრო ცენტრი მზადაა დაიწყოს მოლაპარაკება მაკდონალდსთან საიჯარო ხელშეკრულებების გაწყვეტის თაობაზე, თუ კომპანია უახლოეს მომავალში არ განაახლებს მუშაობას. რუსული მაკდონალდსის უმეტესობა იჯარით აღებულ ფართზე მუშაობს, ამბობს ის.
McDonald's-მა რესტორნები რუსეთში 14 მარტიდან განუსაზღვრელი ვადით მომხმარებლებისა და პარტნიორების კრიტიკის შემდეგ დახურა, მაგრამ ზოგიერთი ფრენჩაიზირებული დაწესებულება ღია რჩება.
rb.ru