გათხევადებული ბუნებრივი აირის გადამტანი ტანკერების ფასი 10-წლიან მაქსიმუმზეა, ანტირუსული საქნციების ფონზე. ამის შესახებ გაზეთი Financial Times-ი წერს.
გამოცემის ინფორმაციით, ამ სერვისის ფასი მკვეთრად გაიზარდა მას შემდეგ რაც ევროკავშირმა გამოაცხადა რომ აპირებს 2022 წლის ბოლოსთვის შეამციროს რუსეთის გაზზე დამოკიდებულება ორი მესამედით და ამასთან, მოახდინოს 50 მლრდ კუბური მეტრი გათხევადებული აირის იმპორტი.
თავის მხრივ მსოფლიოს უმსხვილესი ტრეიდერები ცდილობენ იპოვონ ტანკერები რათა ზამთრის დადგომამდე შეიტანონ თხევადი აირი ევროპაში, ვინაიდან დასავლეთის მხრიდან ამოქმედებულმა რუსეთის წინააღმდეგ სანქციებმა გამოიწვია ენერგეტიკული მარშრუტების ცვლილება. სანავთობო ტანკერების მფლობელები და სახომალდო ბროკერები უთითებენ, რომ წელს ისეთი ნავთობგაზის კომპანიები, როგორებიც არიან: ბრიტანულ-ჰოლანდიური Shell, ფრანგული TotalEnergies და ჩინური Unipec წელს უჩვეულო ადრე მუშაობენ ამ მიმართულებით.
Gas Infrastructure Europe-ის ინფორმაციით, რომელიც ევროპული გაზის ინფრასტრუქტურის კომპანიების ინტერესებს იცავს, მაისში ევროპული გაზსაცავებიდან ევროპულ გაზსადენებში რეკორდულად დიდი რაოდენობით გაზი მოხვდა, საუბარია, 10,8 მლრდ კუბურ მეტრზე. ეს უფრო მეტია 2020 წლის მაისის 10,2 მლრდ კუბ.მ. წინა რეკორდულ მაჩვენებელზე. ამ დროისთვის ევროპულ გაზსაცავებში თხევადი აირის მარაგები 13%-ით მეტია ვიდრე 2021 წელს და 12%-ით მეტი ვიდრე საშუალოდ ბოლო 5 წელიწადში.
წყარო: "ბიზნესპრესნიუსი"