შვეიცარიის უმსხვილესი ბანკის UBS-ის მიერ ასევე შვეიცარიული ბანკის Credi Suisse - ის შეძენის შემდეგ შესაძლოა ათიათასობით ადამიანმა სამსახური დაკარგოს — ამის შესახებ ინფორმაციას Financial Times ავრცელებს. გამოცემის ცნობით შემცირება შესაძლოა მთლიანი საბანკო გუნდის 120 000 თანამშრომლიდან მესამედს შეეხოს. შემცირება ძირითადად შიდა ბიზნესს და credit Suisse-ის საინვესტიციო მიმართულებაზე აისახება, სადაც 30 000 მდე ადამიანია დასაქმებული.
როგორც FT- სთან ანონიმური წყარო ყვება ის UBS-ის გეგმებს კარგად იცნობს და 17 000 საინვესტიციო ბანკირს სამუშაოს დაკარგვა ემუქრება.
როგორც Credit Suisse-ის ხელმძღვანელობამ თანამშრომლებს უთხრა მათ ჯერჯერობით ჩვეულ რეჟიმში უნდა გააგრძელონ მუშაობა და ისინი დაპირებულ ანაზღაურებას შიდა მემორანდუმის თანახმად მიიღებენ, CrediT Suisse ასევე აცხადებს რომ ისინი მზად არიან გადაიხადონ 2023 წლის დარჩენილი პერიოდის ანაზღაურებაც, რადგან კომპანიების შერწყმას გარკვეული დრო სჭირდება
UBS , მსოფლიოს მასშტაბით 74 000 ზე მეტ ადამიანს ასაქმებს, იგი აპირებს რომ CrediT Suisse-სთან თანხვედრაში მყოფი სამუშაო ადგილები შვეიცარიაში გააუქმოს, დახუროს ფილიალები და შეამციროს ადმინისტრაციული თანამდებობები. 2022 წლის ბოლოსთვის CrediT Suisse -შ 502 000 მდე ადამიანი იყო დასაქმებული, ეს მაჩვენებელი 2023 წლის დასაწყისში 4 000-ით შემცირდა.
შვეიცარიის ფედერალურმა საბჭომ 19 მარტს UBS-ის მიერ Credit Suisse-ის შესყიდვა დაადასტურა და გარანტიები მისცა ქვეყნის ეროვნულ მარეგულირებელს Credit Suisse-ისთვის ლიკვიდურობის უზრუნველყოფის მიზნით. გარიგების თანხა 3,24 მილიარდი დოლარს შეადგენს. მანამდე Credit Suisse-მა გამოაქვეყნა ანგარიში, რომელშიც აღიარა შიდა კონტროლის სისუსტე.