მაისში უძრავი ქონების ბაზარმა კლება აჩვენა, წინა თვეების მატების შემდეგ. კერძოდ, Colliers international Georgia-ს მონაცემებით, მიმდინარე წლის მაისში თბილისში, 2021 წლის მაისში 2,161 ტრანზაქცია დაფიქსირდა, რაც 2019 წლის მაჩვენებელთან შედარებით 25%-ით ნაკლებია. რაც შეეხება ბაზრის ზომას, 29%-იანი კლება დაფიქსირდა და მოცულობამ 101 მილიონი აშშ დოლარი შეადგინა. უნდა აღინიშნოს, რომ საგანგებო მდგომარეობა 2020 წლის 23 მაისს გაუქმდა, აქედან გამომდინარე 2020 წლის მონაცემები არ არის რეპრეზენტატული.

2021 წლის მაისში, თბილისში ახალაშენებულ პროექტებში 1,380 ტრანზაქცია დარეგისტრირდა, რაც 30%-ით ნაკლებია 2019 წლის ანალოგიურ პერიოდთან შედარებით. ძველ პროექტებში კი ტრანზაქციების რაოდენობა 17%-ით შემცირდა 2019 წელთან შედარებით.

2021 წლის მაისში ახალაშენებეული ბინების ბაზრის ზომა, 2019 წლის ანალოგიურ პერიოდთან შედარებით 37%-ით შემცირდა. რაც შეეხება ძველი ბინების ბაზრის ღირებულებას, მაჩვენებელი 10%-ით, 35 მილიონ აშშ დოლარამდე შემცირდა.

ახალაშენებული ბინების ეკონომ სეგმენტი 2019 წლის მაჩვენებელთან შედარებით 12%-ით შემცირდა. რაც შეეხება მედიუმ სეგმენტს, ტრანზაქციების რიცხვმა 61%-ით დაიკლო. შემცირება დაკავშირებულია იმ ფაქტთან, რომ 2019 წლის მაისში მ2 იპოდრომის პროექტში მედიუმ სეგმენტის ტრანზაქციების დაახლოებით 40% დარეგისტრირდა. აღნიშნულის გარეშე, მედიუმ სეგმენტში ტრანზაქციების რაოდენობა 2021 წლის მაისში 32%-ით შემცირდებოდა. პრემიუმ სეგმენტს რაც შეეხება, 2019 წელთან შედარებით მაჩვენებელმა 35%-იანი კლება განიცადა.

GBC.GE