მეცნიერებმა დაადგინეს, რომ 252 მილიონი წლის წინ, პერმის მასობრივ გადაშენებას, რომელსაც დედამიწაზე ყველა ცოცხალი არსების თითქმის 90% შეეწირა, გადაშენებულად მიჩნეული უძველესი ცხოველები გადაურჩნენ.

მეცნიერები აქამდე თვლიდნენ, რომ ისეთი მტაცებლები, როგორიცაა გორგონოპები, პერმის პერიოდის ბოლოს გადაშენდნენ. მაგრამ ახალმა კვლევამ აჩვენა, რომ ამ „გორგონებიდან“ ზოგიერთი გადარჩა, წერს Live Science-ი. 

ამერიკელმა მეცნიერებმა სამხრეთ აფრიკაში გორგონოპსის ნამარხები აღმოაჩინეს და პერმის პერიოდის ბოლოს მცხოვრები მტაცებლების ნაშთებზე ახალი კვლევა ჩაატარეს. ახალი კვლევა აჩვენებს, რომ ეს უძველესი ცხოველები პერმის მასობრივი გადაშენების დროს სხვა ცხოველებთან ერთად არ გადაშენებულან.

ისინი გადაშენებას გადარჩნენ, მაგრამ იმდენად იმოქმედა მათ განვითარებაზე მასიურმა კატაკლიზმებმა, რომ ეს ცხოველები გარკვეული დროის შემდეგ მაინც გაქრნენ.

მეცნიერთა აზრით, ნამარხი სავარაუდოდ ციონოზავრის უძველეს მტაცებლების გვარს ეკუთვნის. ეს ცხოველები მასობრივ გადაშენებას შედარებით მცირე ზომის, მცირე პოპულაციისა და იმის გამო გადაურჩნენ, რომ შედარებით ცოტას ჭამდნენ.

ციონოზავრს ზომით თანამედროვე მელას ჰგავდა, ჰქონდა ვიწრო და გრძელი კუდი და ყბა სავსე იყო ბასრი კბილებით. მათი სიგრძე დაახლოებით 2 მეტრი იყო.

გორგონოპებმა სახელი გორგონების პატივსაცემად ძველი ბერძნული მითებიდან მიიღეს, რომლებსაც ადამიანის თვალებით ქვად გადაქცევა შეეძლოთ. მეცნიერები თვლიან, რომ ისინი ტრიასის პერიოდში (251,9 - 201,2 მილიონი წლის წინ) დინოზავრების გამოჩენამდე დიდი ხნით ადრე ცხოვრობდნენ. კერძოდ, მათი ნაშთები მიუთითებს იმაზე, რომ ისინი დედამიწაზე 240-დან 230 მილიონი წლის წინ ბინადრობდნენ.