ესტონური ფესვების მქონე ქართულმა კომპანია „ბოდომ“ თბილისში
ე.წ. დარქ სთორები გახსნა, რომლებიც მომხმარებლებს ონლაინ
სუპერმარკეტის მომსახურებას სთავაზობენ. დედაქალაქის
სხვადასხვა რაიონში გახსნილი სუპერმარკეტები გთავაზობთ
ინტერნეტ-ვაჭრობას დროის დაზოგვისა და მაქსიმალური
კომფორტის შექმნის მიზნით.
მას შემდეგ, რაც თქვენთვის სასურველ პროდუქტს აპლიკაცია BODO
DELIVERY-ს საშუალებით შეარჩევთ, თქვენს ვირტუალურ შეძენაზე
ზრუნვას ე.წ. პიკერი მაშინვე იწყებს - კალათაში შეგროვებულ
პროდუქტებს ის მალევე კურიერს გადასცემს, კურიერი კი მას
მითითებულ ლოკაციაზე მოგიტანთ. ჯამში, შეკვეთის
დაფიქსირებიდან შეძენილ პროდუქტს თქვენამდე 15-20 წუთში
მოიტანენ. რაც მთავარია, მიტანის სერვისი უფასოა და მომხმარებელი
არც პროდუქტის რაოდენობასა თუ ღირებულებაშია შეზღუდული.
თქვენ შეგიძლიათ შეუკვეთოთ თუნდაც ერთი ცალი პური, ერთი
ბოთლი ლუდი, ან თქვენთვის სასურველი ნებისმიერი პროდუქტი
ყოველგვარი მინიმალური ზღვარის დაწესების გარეშე.
„ბოდოს“ მარკეტები დედაქალაქის მასშტაბით ისეა განლაგებული,
რომ შეკვეთა ლოკაციის მიხედვით დახარისხდეს, რაც საბოლოოდ,
მიტანის სერვისის უმოკლეს დროს უზრუნველჰყოფს. მაგალითად,
თუ შეკვეთას დიღმის რაიონიდან ახორციელებთ, თქვენს შეკვეთაზე
დიღმის რაიონში განთავსებული „ბოდოს“ „დარქ სთორი“ იზრუნებს.
რაც შეეხება პროდუქციის მრავალფეროვნებას, „ბოდოს“
ონლაინმარკეტში შეგიძლიათ შეიძინოთ ევროპული თუ
ადგილობრივი წარმოების ხორცისა და რძის პროდუქტები, ბავშვთა
კვება, ჰიგიენური საშუალებები, საყოფაცხოვრებო ნივთები,
ნახევარფაბრიკატები, მზა-კვება, ცხოველთა კვება და ა.შ. „ბოდოს“
„დარქ სთორები“ სტანდარტული სუპერმარკეტისგან მხოლოდ იმით
განსხვავდება, რომ მომხმარებლები მის სივრცეს არ სტუმრობენ და
სასურველ პროდუქტს ინტერნეტმომსახურებით არჩევენ. რაც
შეეხება ხარისხს, „ბოდოს“ ხარისხის მენეჯერები, დღის განმავლობაში
ორჯერ ამოწმებენ პროდუქტის შენახვის პირობებს, ასევე,
პერიოდულად მოწმდება პროდუქტის ვარგისიანობა და ვადაც,
რითაც მომსახურების სისწრაფესთან ერთად, მომხმარებლამდე
ხარისხიანი და ჯანსაღი პროდუქტის მიწოდებაა უზრუნველყოფილი.
„დარქ სთორების“ სივრცეში განთავსებულია აფთიაქიც. როგორც
„ბოდოს“ დამფუძნებლები ამბობენ, კომპანიის ბაზარზე შემოსვლის
მთავარი მიზანი საქართველოში ხარისხიანი, სწრაფი და ევროპული
სტანდარტის მომსახურების სერვისის დამკვიდრებაა.
(R)