უღარიბესმა სახელმწიფოებმა უცხოელ კრედიტორებს ბიუჯეტის შემოსავლების საშუალოდ 16,3% უნდა გადაუხადონ 2023 წელს და 16,7% - 2024-ში. ამას მოწმობს ბრიტანული საქველმოქმედო ორგანიზაცია Debt Justice-ის მონაცემები. კვლევის მიხედვით, ეს არის ყველაზე მაღალი მაჩვენებლები 1998 წლის შემდეგ.
2024 წელს სახელმწიფო ვალის დონე 2,5-ჯერ მეტი იქნება 2011 წელთან შედარებით. ბოლოს, როცა ასეთი მაღალი იყო საგარეო ვალი, უღარიბეს ქვეყნებს ვალების 60-80% ჩამოეწერათ, აღნიშნავს Debt Justice.
მსოფლიო ბანკის (WB) მონაცემებით, 2023-2024 წლებში, 91 ქვეყნის დაგეგმილი გადახდების მიმღებ სტრუქტურებში, რომელთა ინდიკატორებიც გააანალიზა Debt Justice-მა, 46% უკავია კერძო კრედიტორებს, რომლებიც ჩინეთიდან არ არიან, 30% - საერთაშორისო ორგანიზაციებს, 12% - ჩინეთის კერძო და სახელმწიფო კრედიტორებს და 12% - სხვა სახელმწიფოებს.
პოსტსაბჭოთა ქვეყნებიდან ამ 91 ქვეყანას შორის მოხვდა: ყირგიზეთი, უზბეკეთი, ტაჯიკეთი და უკრაინა.
Debt Justice-ის მონაცემებით, 2023-2024 წლებში მათი საგარეო ვალი იმის მიხედვით, ბიუჯეტის რა ნაწილი უნდა გადაიხადოს, ასე გამოიყურება:
უზბეკეთი - 8.1% – 8.2%;
ყირგიზეთი - 10.6% – 10.8%;
ტაჯიკეთი - 10.8% – 11.2%;
უკრაინა - 16.2 % – 21.7%.
შეგახსენებთ, რომ საქართველოს საგარეო ვალი 21.7 მლრდ დოლარია, ბიუჯეტი - 21.9 მლრდ ლარი. 2023 წელს საგარეო ვალზე ბიუჯეტი 1.65 მილიარდ ლარს დახარჯავს. გამოდის, რომ წელს საქართველო ბიუჯეტის დაახლოებით 7.5%-ს დახარჯავს საგარეო ვალის მომსახურებაზე.