უკრაინის ენერგეტიკის მინისტრი აცხადებს, რომ უკრაინა პარტნიორებთან ერთად მუშაობს რუსეთის ჩამოსაშორებლად ატომური ენერგეტიკის საერთაშორისო სააგენტოსგან, ან უკიდურეს შემთხვევაში, მოხდეს რუსების ორგანიზაციის სამდივნოში ძირითადი პოზიციებიდან ჩამოშორება.
ელენა ზერკალის შეფასებით, ამის აუცილეობლობას წარმოადგენს ბირთვულ ტერორიზმის საფრთხე, რომელსაც რუსეთი აწარმოებს.
შეგახსენებთ, რუსეთის არმიამ უკრაინაში ფართომასშტაბიანი სამხედრო შეჭრის დროს, ჩერნობილისა და ზაპაროჟიეს ატომური ელექტროსადგურები ხელში ჩაიგდო.
უკრაინული მხარის ცნობით, რუსმა სამხედროებმა გაძარცვეს და გაანადგურეს ჩერნობილში ახალი ცენტრალური ანალიტიკური ლაბორატორია, რომელიც ექვსი მილიონი ევრო ღირს.
უკრაინის გარემოს დაცვის სამინისტროს ინფორმაციით, საბრძოლო მოქმედებებისა და რუსეთის ჯარის მიერ ტყეების დაწვის შედეგად მაღლა იწევს ჰაერის რადიაქტიური დაბიძნურების დონე.
ატომური ენერგეტიკის საერთაშორისო სააგენტოში შექმნილია სადღეღამისო კრიზისული ცენტრი უკრაინის ატომურ ელექტროსადგურებზე მონიტორინგის მიზნით.
რუსეთ-უკრაინის ომი
