უკრაინის სახელმწიფო ქონების ფონდი საპრივატიზაციოდ გამოიტანს მიკოლაივის ალუმინის ქარხანას და სავაჭრო ცენტრ ოკეან პლაზას, რომელიც რუს ოლიგარქებს ოლეგ დერიპასკასა და არკადი როტენბერგს ჩამოერთვათ. ამის შესახებ ფონდის ხელმძღვანელმა რუსტემ უმეროვმა Forbes-თან ინტერვიუში განაცხადა.
მისი თქმით, ფონდი გეგმავს გაყიდოს ყველა ის აქტივი, რომელიც სანქციების შესახებ კანონის თანახმად რუს ოლიგარქებს ჩამოართვეს და რაც შეიძლება სწრაფად უნდა განხორციელდეს/
„ფონდს უკვე გადაეცა გაქცეული პრეზიდენტის ვიქტორ იანუკოვიჩისა და რუსი ბიზნესმენის ვლადიმერ ევტუშენკოვის აქტივები, ასევე დემურინსკის სამთო და გადამამუშავებელი ქარხანა, რომელიც ეკუთვნოდა რუს ბიზნესმენ მიხაილ შელკოვს. ჩვენ ვემზადებით დემურინსკის სამთო და გადამამუშავებელი ქარხნის პრივატიზაციისთვის. სხვა აქტივების მართვაზე ჯერ კიდევ მიდის მუშაობა,“ - განაცხადა მან.
მიკოლაივის ალუმინის გადამამუშავებელი ქარხანა, რომელიც ომამდე 1 მილიარდ დოლარად იყო შეფასებული, შესაძლოა წლის ბოლომდე, მეორე ან მესამე კვარტალში გაიტანოს გასაყიდად. უმეროვი დარწმუნებულია, რომ აუქციონი სავაჭრო ცენტრის “ოკეან პლაზას“ გაყიდვაზეც დაუყოვნებლად ჩატარდება.
დერიპასკა
