"ჩვენ გვაძლევენ 100 ერთეულ თანამედროვე იარაღს ან 5 ათას ჩაფხუტს - ვაფასებთ ნებისმიერ დახმარებას, მაგრამ ყველას უნდა ესმოდეს: ეს არ არის საქველმოქმედო შენატანი, რომელიც უკრაინამ უნდა ითხოვოს, ან შეგახსენოთ, არც კეთილშობილური ჟესტებია, რის გამოც უკრაინა ქედს უნდა იხრიდეს,"- ამის შესახებ უკრაინის პრეზიდენტმა ვლადიმერ ზელენსკიმ მიუნხენის უსაფრთხოების კონფერენციაზე განაცხადა.

მისი თქმით, უკრაინა საკუთარ თავს დაიცავს, მიუხედავად იმისა ექნება მას თუ არა პარტნიორების მხარდაჭერა.

ვლადიმერ ზელენსკიმ ხაზი გაუსვა,რომ უკრაინა უკვე 8 წელია ფარის როლს ასრულებს და არც ერთ ევროპელ ლიდერს მასზე კარგად არ ესმის რას ნიშნავს, ყოველ დღე დაღუპულების ოჯახის წევრებთან შეხვედრა.

„უკრაინის დახმარება თქვენი შენატანია ევროპისა და მსოფლიო უსაფრთხოებაში, რაშიც უკრაინა უკვე 8 წლის განმავლობაში ასრულებს ფარის როლს და 8 წლის განმავლობაში აჩერებს მსოფლიოს ერთ-ერთ უდიდეს ჯარს, რომელიც დგას ჩვენი საზღვრის გასწვრივ და არა ევროკავშირის. „გრადები“ მოფრინავდნენ მარიუოპოლში და არა ევროპის ქალაქებში. ბრძოლების შედეგად განადგურებულია აეროპორტი დონეცკში და არა ფრანკფურტში და ყოველთვის ცხელა ავდეევკაში და არა მონმარტრში. არც ერთმა ევროპულმა ქვეყანამ არ იცის, რა არის სამხედრო დაკრძალვები ყოველ დღე ყველა რეგიონში და არც ერთმა ევროპელმა ლიდერმა არ იცის, რას ნიშნავს ყოველდღიური შეხვედრები დაღუპულების ოჯახებთან,“- განაცხადა ზელენსკიმ.