უკრაინელმა სამხედროებმა რუსეთის ფედერაციის შავი ზღვის ფლოტი მეორად ძალად აქციეს. შეიარაღებულმა ძალებმა რამდენიმე გემის ჩაძირვა მოახერხეს, მათ შორის კრეისერ „მოსკვასი“ - წერს სტატიას გამოცემა POLITICO. როგორც სტატიის ავტორი წერს, სამხედრო წარუმატებლობამ განაპირობა ის, რომ რუსული ფლოტი თავდაცვაზე გადავიდა.
სტატიაში აღნიშნულია, რომ რუსეთის პრეზიდენტმა უკრაინაში ომი დაწყებისას ფსონი დადო დროებით ოკუპირებულ ყირიმში დაფუძნებულ ფლოტზე. ავტორი წერს, რომ კალიბრის ტიპის საკრუიზო რაკეტებს აქტიურად უშვებდნენ ქვეყნის შიდა სამხედრო და სამოქალაქო ობიექტების მიმართულებით, რითიც ბლოკავდნენ უკრაინის პორტებთან წვდომას. გარდა ამისა, ისინი ოდესაში საზღვაო დესანტით დაიმუქრნენ.
რამდენიმე რუსული გემის ჩაძირვის შემდეგ ინიციატივა კიევმა აიღო. ასევე მძიმედ დაზარალდა შავი ზღვის ფლოტის საავიაციო პოლკი, რომელიც მდებარეობს ყირიმში, საკის ავიაბაზაზე- წერს გამოცემა.
POLITICO-ს ცნობით, ფლოტმა არ გაამართლა პუტინის მოლოდინი:
„გაზაფხულიდან შავი ზღვის ფლოტის პრობლემები გაუარესდა ცუდი ხელმძღვანელობის, მოძველებული აღჭურვილობისა და ამპარტავნების გამო. სამხედრო წარუმატებლობამ გამოიწვია ფლოტის მეთაურის, ადმირალ იგორ ოსიპოვის გადადგომა. გარდა ამისა, ახლა რუსული ფლოტი პრაქტიკულად უმწეოა წერს გამოცემა.
სტატიაში აღნიშნულია, რომ „რუსეთის შავი ზღვის ფლოტი დამარცხდა და ახლა გამოიყენება მხოლოდ თავდაცვით ძალად, რომელიც პერიოდულად თავს ესხმის საკრუიზო რაკეტებით“.
უკრაინა
