7 იანვარს, უკრაინამ რუს მომღერლებს, მსახიობებს, რეჟისორებს, წამყვანებსა და პროპაგანდისტებს სანქციები დაუწესა, მათ შორის არიან დიმა ბილანი, ფილიპ კირკოროვი, გრიგორი ლეპსი, პოლინა გაგარინა, ლარისა დოლინა, ირინა ალეგროვა, ლიუბოვ უსპენსკაია რეჟისორი ნიკიტა მიხაილოვი, დიზაინერი და ბლოგერი არტემი ლებედევი და სხვები. - ამის შესახებ ინფორმაციას გამოცემა unian ავრცელებს.
გამოცემის ცნობით უკრაინამ არტისტებს სანქციები 10 წლის ვადით დაუწესა.
როგორც უკრაინის პრეზიდენტის ადმინისტრაციაში აცხადებენ პრეზიდენტმა ვლადიმირ ზელენსკიმ ეროვნული უსაფრთხოებისა და თავდაცვის საბჭოს გადაწყვეტილების მიღების შესახებ განკარგულებას ხელი უკვე მოაწერა.
დოკუმენტის მიხედვით, სანქცირებულ პირებს უკრაინული აქტივები დაებლოკებათ, გარდა ამისა, შეწყდება მათთან სავაჭრო ოპერაციები, გაუქმდება ყველა ლიცენზია თუ ნებართვა, აიკრძალება ფასიანი ქაღალდებით გარიგებები და საავტორო უფლებების გადაცემა.
უკრაინა
