უკრაინა არის მცენარეული ზეთის ერთ-ერთი მთავარი მიმწოდებელი მსოფლიოში და ახლა, რუსეთის მიერ უკრაინის ტერიტორიაზე გაჩაღებული სრულმასშტაბიანი ომის გამო, ქვეყანამ ახალი გზები უნდა მოძებნოს, რათა სხვა ქვეყნებში მასზე კრიტიკული დეფიციტი არ წარმოიქმნას.
უკრაინა და პოლონეთი შექმნიან სამუშაო ჯგუფს, რათა მოძებნონ პროექტის ლოკალიზაციის ვარიანტები ტრანსსასაზღვრო მილსადენის მშენებლობისთვის ზეთის უკრაინიდან გდანსკის პორტში გადასატანად, იუწყება პოლონური გამოცემა wnp.pl.
პოლონეთის მინისტრთა საბჭო ორივე ქვეყნის აგრარული პოლიტიკისა და ინფრასტრუქტურის სამინისტროებს შორის შესაბამისი ურთიერთგაგების მემორანდუმის დადებაზე დათანხმდა.
„მემორანდუმის განხორციელება ხელს შეუწყობს უკრაინული ექსპორტის ნაწილობრივ განბლოკვას და შიმშილის საფრთხის წინაშე მყოფი განვითარებადი ქვეყნების სასურსათო უსაფრთხოების გაზრდას. ამიტომ, ამან უნდა შეამციროს მიგრაციული ზეწოლა ევროპაზე“, - განმარტავენ პოლონეთის პრემიერ-მინისტრის აპარატში.
მემორანდუმი გაფორმდება სამი წლის ვადით, ავტომატური გაგრძელებით კიდევ სამი წლით. დოკუმენტი ითვალისწინებს სამუშაო ჯგუფის შექმნას, რომელიც მხარეებს დასამტკიცებლად წარუდგენს პროექტის ადგილმდებარეობის შესაძლო ვარიანტებს, მათ შორის შემოთავაზებული მილსადენის მარშრუტებს. ასევე, სამუშაო ჯგუფი მიაწვდის ინფორმაციას პროექტის განხორციელების შესაძლო საორიენტაციო ტექნიკურ პარამეტრებზე, ღირებულებასა და პირობებზე.
უკრაინა
