რუსეთის მიერ უკრაინაში შეჭრისა და ფართომასშტაბიანი ომის დაწყების შემდეგ უკრაინის სავაჭრო ბრუნვა შემცირდა. ომის ფაქტორის გათვალისწინებით შემცირდა საქართველო-უკრაინას შორის სავაჭრო ბრუნვის მაჩვენებელიც.
საქსტატის ინფორმაციის მიხედვით, 2023 წლის იანვარში საქართველოდან უკრაინაში 6,342.79 ათასი დოლარის ღირებულების პროდუქცია გავიდა, რაც 2022 წლის იანვრის მაჩვენებლებთან შედარებით 80%-ით ნაკლებია.
2023 წლის იანვარში უკრაინიდან საქართველოში 16,132.83 ათასი დოლარის პროდუქცია შემოვიდა, მაშინ როდესაც 2022 წლის იანვარში საქართველოში უკრაინიდან 33,838.88 ათასი დოლარის პროდუქციის იმპორტი დაფიქსირდა. შესაბამისად კლება 52%-ია.
სტატისტიკური მაჩვენებლების მიხედვით, იანვარში უკრაინიდან საქართველოში ყველზე დიდი რაოდენობით (წონით) სიმინდის იმპორტი განხორციელდა. საანგარიშო პერიოდში საქართველომ უკრაინიდან 889.62 ათასი დოლარის ღირებულების 2,051.28 ტონა სიმინდი იყიდა. მეორე ადგილზე კი კოპტონია.
უკრაინიდან საქართველოში იმპორტირებული პროდუქციის ტოპ-5 პროდუქციის ჩამონათვალი:
1. სიმინდი - 2,051.28 ტონა
2. კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - 1,310.32 ტონა
3. მზესუმზირის თესლი - 644.52 ტონა
4. კოპტონი და სხვა მყარი ნარჩენები, მიღებული მცენარეული ცხიმების ექსტრაჰირებისას - 600.00 ათასი დოლარი
5. ხორცი და კვების სუბპროდუქტები შინაური ფრინველის, ახალი, გაცივებული ან გაყინული - 221.00 ათასი დოლარი.
რაც შეეხება საქართველოდან უკრაინაში ექსპორტირებულ პროდუქციას პირველ ადგილზეა ეთილის სპირტი. ტოპ-5 საექსპორტო პროდუქცია:
1 ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 576.20 ტონა
2 ნავთობი და ნავთობპროდუქტები - 400.15 ტონა
3 ბოსტნეული სხვა, ახალი ან შეყინული - 398.80 ტონა
4 ყურძნის ნატურალური ღვინოები - 244.87 ტონა
5. მინერალური ნივთიერებები, სხვა ადგილას დაუსახელებელი - 175.80 ტონა.
აღსანიშნავია, რომ ომამდე იანვრის და ომის დაწყების შემდეგ იანვრის სავაჭრო სტატისტიკურ მაჩვენებლებში ორ ქვეყანას შორის სასაქონლო ჯგუფების ჩამონათვალი მნიშვნელოვნადაა შეცვლილი.