უკრაინაში, რუსეთის შეჭრის დაწყებიდან, ომის კანონებისა და წეს-ჩვეულებების დარღვევის ფაქტებზე სისხლის სამართლის 4 200-ზე მეტი საქმე აღიძრა, - ამის შესახებ ქვეყნის შინაგან საქმეთა მინისტრმა, დენის მონასტირსკიმ განაცხადა.
დღემდე სისხლის სამართლის 4200-ზე მეტი საქმეა აღძრული ომის კანონებისა და წეს-ჩვეულებების დარღვევის ფაქტებზე. ეს არის ყოველი დაბომბვა, ყოველი დაღუპული“, - ამბობს უწყების ხელმძღვანელი.
რუსეთი უკრაინაში 24 თებერვალს, გამთენიისას შეიჭრა და მას შემდეგ განუწყვეტლივ ბომბავს როგორც სამხედრო ობიექტებს, ისე მშვიდობიან მოსახლეობას. ყოველდღიურად იბომბება კულტურული და ისტორიული ძეგლები, ნადგურდება ხელოვნების ნიმუშები, იბომბება სკოლები, ბაღები, საავადმყოფოები (სამშობიარო, ონკოლოგიური). ცხრილავენ სამოქალაქო მსუბუქ მანქანებს, სასწრაფო დახმარების მანქანებს, რეანომობილებს.
მოსკოვი საჯარო განცხადებებში უარყოფს სამოქალაქო ობიექტების მიზანში ამოღებას. გაეროს მონაცემებით, უკრაინა უკვე დატოვა 11 მილიონმა ადამიანმა.
უკრაინა რუსეთის ტერორისტ ქვეყნად გამოცხადებას ითხოვს და ჰააგის სასამართლოში ჩივის. სასამართლო პროცესი გასულ კვირას დაიწყო, თუმცა პროცესზე არ გამოცხადდა რუსეთის წარმოემადგენელი, რადგა როგორც ქვეყნის საგარეო საქმეთა სამინისტროს წარმოემადგენელი მარია ზახაროვა ამბობს, სასამაღლოს ამ საკითხზე მსჯელობის ლეგიტიმაცია არ აქვს.
როგორც უკრაინის სახალხო დამცველი აცხდებს, სრული სიზუსტით გროვდება რუსეთის მიერ უკრაინაში ჩადენილი სამხედრო დანაშაულის ყველა ფაქტი და უკრაინა მას სამხედრო ტრიბუნალამდე მიიტანს.
განსაკუთრებული სისასტიკე რუსმა ორკებმა აჩვენებს ბუჩაში, ირპერში და მარიუპოლში.
უკრაინის სახალხო დამცველის, ლუდმილა დენისოვას განცხადებით, რუს ჯარისკაცებს ქალაქ ბუჩაში წამებით სიკვდილამდე მიჰყავდათ არამხოლოდ ზრდასრული ადამიანები, არამედ ბავშვებიც.
უკრაინის სახალხო დამცველი აცხადებს, რომ ამ დროისთვის უკრაინის 15 ათამდე მოქალაქე დაკარგულად ითვლება.