EastFruit-ის ანალიტიკოსების თქმით, უკრაინაში სასათბურე კიტრის ფასი მუდმივად იზრდება, მათი ცნობით კიდევ ერთი ზრდა ამ კვირაში დაფიქსირდა. ფასის ზრდის მიზეზი შეზღუდული მიწოდების პირობებში გაზრდილი მოთხოვნაა. ბოლო ერთი კვირის განმავლობაში სათბურებში კიტრის მოსავალი მოღრუბლული ამინდის გამო საგრძნობლად შემცირდა, სეგმენტში ვაჭრობა კი, პირიქით, მხოლოდ გაიზარდა.
მხოლოდ ამ კვირის დასაწყისიდან ადგილობრივი მცენარეების სათბურის კიტრზე ფასები საშუალოდ 16%-ით გაიზარდა და ღირებულებამ კილოგრამზე 2,73-4,10$ შეადგინა.
ბაზრის მონაწილეების თქმით, სასათბურე კიტრის სეგმენტზე მოთხოვნა ამ კვირაში შესამჩნევად გაძლიერდა. შესყიდვის მიმართ განსაკუთრებული ინტერესი გამოიჩინეს საცალო ქსელებმა და მსხვილმა საბითუმო კომპანიებმა. გარდა ამისა, შემცირდა იმპორტირებული კიტრის მიწოდება, რამაც უკრაინული სასათბურე კომპლექსების წარმომადგენლებს ფასების გაზრდის საშუალება მისცა.
აღსანიშნავია, რომ ამჟამად უკრაინული სათბურები კიტრს ქსელში 1.5-ჯერ უფრო ძვრად უშვებენ ვიდრე ეს 2022 წლის ანალოგიურ პერიოდში იყო. ამავდროულად, ბაზრის ოპერატორები ამ სეგმენტში ფასების ზრდის ტენდენციას დროებით ფენომენად თვლიან. მათივე თქმით, ადგილობრივ კიტრზე ფასების კლება დაიწყება, როგორც კი ამინდის პირობები ნორმალიზდება და უკრაინის ბაზარზე მისი მიწოდება გაიზრდება.