უკრაინის უმდიდრესი ადამიანი, რინატ ახმეტოვი, განადგურებული მარიუპოლის აღდგენის პირობას დებს. ის მარიუპოლში ფოლადის 2 ქარხანას ფლობს.
ამ მომენტისთვის, მისმა კომპანია Metinvest-მა გამოაცხადა, რომ არ შეუძლია მიწოდების კონტრაქტების შესრულება.
“მარიუპოლი არის მსოფლიო ტრაგედია და გმირობის მაგალითი. ჩემთვის მარიუპოლი იყო და ყოველთვის იქნება უკრაინული ქალაქი. მჯერა, ჩვენი მამაცი მეომრები დაიცავენ ქალაქს, თუმცა მესმის, რამდენად რთული და მძიმეა ეს მათთვის”,- განაცხადა ახმეტოვმა.
15 აპრილს Metinvest-მა განაცხადა, რომ არასოდეს იმუშავებს რუსეთის ოკუპაციის ქვეშ და რომ მარიუპოლის ალყამ გააუქმა უკრაინის ფოლადის წარმოების შესაძლებლობების მესამედზე მეტი.
ახმეტოვმა მოიწონა პრეზიდენტ ვოლოდიმირ ზელენსკის “ენთუზიაზმი და პროფესიონალიზმი” ომის პერიოდში.
“ომისას, რა თქმა უნდა, არ არის კონფლიქტის დრო. ჩვენ აღვადგენთ მთელ უკრაინას”, - განაცხადა ახმეტოვმა.
ბიზნესმენი ამბობს, რომ ის უკრაინაში 23 თებერვალს დაბრუნდა, ქვეყანაში რჩება და ყოველდღიურად ინარჩუნებს კონტაქტს Метинвест-ის ხელმძღვანელებთან. სწორედ მისი კომპანია მართავს მარიუპოლის მეტალურგიულ ქარხნებს Азовсталь-ს და ილიჩის სახელობის ქარხანას.
"ჩემი მიზანია დავბრუნდე უკრაინულ მარიუპოლში და განვახორციელო ჩვენი გეგმები, რათა მარიუპოლის ფოლადმა, როგორც ადრე, შეძლოს კონკურენტუნარიანი იყოს მსოფლიო ბაზარზე," -ამბობს ახმეტოვი და დარწმუნებულია, რომ უკრაინას დასჭირდება უპრეცედენტო საერთაშორისო რეკონსტრუქციის პროგრამა, მარშალის გეგმა. ასევე ბიზნესმენმა აღნიშნა, რომ მას სჯერა ომში გამარჯვების შემდეგ უკრაინა იქნება თავისუფალი, ევროპული, დემოკრატიული და წარმატებული.
ახმეტოვი ყველაზე მდიდარი უკრაინელია. ფორბსის ვერსიით ოლიგარქის ქონება 7.6 მილიარდ დოლარადაა შეფასებული.
შეგახსენებთ მარიუპოლი არის აზოვის ზღვის ქალაქი, საპორტო ქალაქი, რომელიც მტრის ალყაშია და რუსეთმა 7 კვირიანი უწყვეტი დაბომბვების შედეგად ის მიწასთან გაასწორა.