უკრაინული კომპანია „ენერგოატომი“ და Urenco Group-ი, 2026 წლიდან, უკრაინის ატომური ელექტროსადგურებისთვის გამდიდრებული ურანის მიწოდების საკითხში გრძელვადიან თანამშრომლობაზე შეთანხმდნენ, იტყობინება რუსული მედია.
მოლაპარაკება „ენერგოატომის“ პრეზიდენტ პეტრ კოტინსა და Urenco-ს აღმასრულებელ დირექტორ ბორის შუხტს შორის შედგა.
შეხვედრაზე ასევე განიხილეს - 2024-2025 წლებში Westinghouse-ის გამდიდრებული ურანის მიწოდების ზრდა უკრაინის ატომური ელექტროსადგურებისთვის.
აპრილში გავრცელდა ინფორმაცია, რომ „ენერგოატომი“ Urenco-სთან ურანის შესყიდვების შესაძლო გაზრდაზე აწარმოებდა მოლაპარაკებებს.
მარტში „ენერგოატომმა“ გამოაცხადა, რომ რუსული წარმოების ბირთვული საწვავის ყიდვას მთლიანად შეწყვეტდა. კომპანიაში აცხადებენ, რომ დარწმუნებული არიან, რომ ამერიკულ კომპანია Westinghouse-თან, უკრაინის ატომური ელექტროსადგურებისთვის საწვავის მიწოდების გაზრდაზე, შეთანხმებას მიაღწევენ.
2016 წლის აგვისტოში „ენერგოტომმა“და Urenco-მ გამდიდრებული ურანის მიწოდებაზე სამწლიანი კონტრაქტი გააფორმეს. ხელშეკრულება გამდიდრებული ურანის ორი პარტიის ყოველწლიურ და წელიწადში კიდევ ორი დამატებითი პარტიის მიწოდებას ითვალისწინებდა.
Urenco Group-ს აქვს ობიექტები გერმანიაში, ნიდერლანდებში, დიდ ბრიტანეთში და აშშ-ში. კომპანია ატომური ელექტროსადგურებისთვის საწვავით მსოფლიოს 15 ქვეყანას ამარაგებს.