უკრაინის ეროვნულმა ბანკმა საფინანსო ბაზრის მოთამაშეები ციფრულ ვალუტაზე – e-გრივნაზე პოტენციური მოთხოვნისა და მისი გამოყენების ვარიანტებზე გამოკითხა. დეტალებზე MC.today–ს რედაქცია მოგვითხრობს.
გამოკითხვაში, რომელიც ეროვნულმა ბანკმა ჩაატარა, საფინანსო ბაზრების 100 ექსპერტი მონაწილეობდა. ყველა რესპონდენტს e-გრივნის გამოყენების ექვსი ვარიანტის შესახებ 30 კითხვაზე უნდა გაეცა პასუხი. მათ შორის, e-გრივნა როგორც:
– საცალო უნაღდო ანგარიშსწორების ინსტრუმეტი (p2p, p2b, b2b)
– სამიზნე სოციალური გადახდების ინსტრუმენტი (g2p)
– ფასიანი ქაღალდებისა და სხვა საფინანსო ინსტრუმენტების ანგარიშსწორების ინსტრუმენტი (b2b)
– იურიდიული პირებისთვის კორპორაციული გადახდების ინსტრუმენტი (b2b)
– ტრანსსასაზღვრო გადახდების ინუსტრუმენტი (b2b, p2p, p2b)
– შემოსავლიანი საფინანსო ინსტრუმენტი.
რა გადაწყვიტა ბაზარმა
ბაზრის მონაწილეთა აზრით, e-გრივნის გამოყენების ყველაზე ოპტიმალური ვარიანტია უნაღდო ანგარიშსწორება (p2p გადარიცხვები ფიზიკურ პირებს შორის და ელექტრონული კომერციის ოპერაციების წარმოება). ქულების რაოდენობის მეორე ადგილზე აღმოჩნდა e-გრივნა, როგორც ტრანსსასაზღვრო საგადახდო საშუალება (p2p–გადარიცხვები ფიზიკურ პირებს შორის). მესამე ადგილზე გავიდა – სამიზნე სოციალური გადახდები. ხოლო ბოლო ადგილი დაიკავა e-გრივნამ, როგორც ვირტუალური აქტივების ინსტრუმენტმა.
შედეგი
უკრაინის ეროვნული ბანკი ელექტროგნული გრივნის შესაძლებლობების შესწავლას გააგრძელებს და შემდეგ ვარიანტებს განიხილავს:
– e-გრივნა უნაღდო ანგარიშსწორებებისთვის „პროგრამირებადი“ ფულის ფუნქციონალით და სამიზნე სოციალური გადახდების შესაძლებლობით
– e-გრივნის გამოყენება ვირტუალური აქტივების ბრუნვის სფეროში
– e-გრივნა ტრანსსასაზღვრო გადახდებისთვის.
რა არის ცნობილი e-გრივნის შესახებ
e-გრივნა უკრაინის ცენტრალური ბანკის ციფრული ვალუტაა, რომელიც ბლოკჩეინ ტექნოლოგიაზეა დაფუძნებული. ბანკმა ტექნოლოგიის საპილოტე პროექტი 2018–2019 წლებში დატესტა. ცენტრალურ ბანკში მიიჩნევენ, რომ e-გრივნა უნაღდო ოპერაციებს გააიაფებს საკომისიოს არარსებობის ხარჯზე და გაზრდის მოსახლეობის ნდობას საფინანსო სერვისებისადმი.
mc.today