უკრაინის დასავლელი პარტნიორებს თავშეკავებული მიდგომა აქვთ უკრაინის მიერ ანექსირებული ყირიმისა და ოკუპირებული დონბასის დაბრუნებასთან დაკავშირებით. ინფორმაციას ამის შესახებ ბრიტანული გამოცემა The Economist-ი ავრცელებს.
ბრიტანული გამოცემა აღნიშნავს, რომ უკრაინა რუსი პარტიზანების მხრიდან წინააღმდეგობის წინაშე შეიძლება დადგეს და ყირიმის ვიწრო და ღია ზოლებისა თუ ჭაობების საფრთხის შესახებ უნდა დაფიქრდეს.
„ყირიმში სამხედრო ოპერაციები ათასობით დაღუპულით მთავრდება: მხოლოდ გასულ საუკუნეში ასობით ათასი დაიღუპა, განსაკუთრებით რუსეთის სამოქალაქო ომსა და მეორე მსოფლიო ომში, რომ აღარაფერი ვთქვათ 1850-იანი წლების ყირიმის ომის დროს უზარმაზარ მსხვერპლზე. [...] სამხედრო ექსპერტები, რომლებიც კარგად იცნობენ ნახევარკუნძულის რელიეფს, აღნიშნავენ, რომ ნახევარკუნძულის ტოპოგრაფიამ უნდა დააფიქროს უკრაინა“, - ნათქვამია ბრიტანული გამოცემის სტატიაში.
სტატიაში ასევე აღნიშნულია, რომ უკრაინის დასავლელი პარტნიორები შიშობენ, რომ ყირიმის ან დონბასის დაბრუნების ოპერაციამ რუსეთს ესკალაციისკენ შეიძლება უბიძგოს, მათ შორის ბირთვული იარაღიც გამოყენებისკენაც კი.
გამოცემა The Economist-ი ასევე წერს, რომ უკრაინის პოლიტიკური ლიდერები პირად საუბრებში აღიარებენ, რომ დონბასისა და ყირიმის დაბრუნება უფრო რთული იქნება და რომ იქ მოსახლეობის მნიშვნელოვანი ნაწილი კვლავ მტრულადაა განწყობილი კიევის მიმართ.
„ყირიმის დაბრუნების ოპერაცია, სავარაუდოდ, პრორუსული ძალების მხრიდან პარტიზანულ წინააღმდეგობას წააწყდება. უკრაინის სარდლობას თავშეკავებული მიდგომა შემდეგი ნაბიჯების მიმართ“, - აღნიშნულია სტატიაში.
გამოცემა აღნიშნავს, რომ ყირიმის დაბრუნების მცდელობა სამხედრო თვალსაზრისით ძვირი დაჯდება და უკრაინის მოკავშირეებში განხეთქილებას გამოიწვევს.
რუსეთ უკრაინის ომი
