„უკრფოსტამ“ რუსული სამხედრო გემის „ცნობილი მიმართულებით“ გაშვების კონტენტზე საფოსტო მარკა დაამზადა, რამაც მომხმარებლებში ბუმი გამოიწვია. მარკა კიდევ უფრო პოპულარული უკრაინელი სამხედროების მიერ რუსული ფლოტის ფლაგმან „მოსკვას“ ჩაძირვის შემდეგ გახდა. The Guardian-ის კორესპონდენტი, ლუკ ჰარდინგი იტყობინება, რომ კიევის მცხოვრებლები გემის მარკის შესაძენად მთავარ ფოსტასთან რიგში საათობით დგანან.

საფოსტო ოპერატორის პრესსამსახურის ცნობით, ხუთ დღეში, თითქმის, ნახევარი მილიონი მარკა გაიყიდა, ხოლო ტირაჟი მილიონი ეგზემპლარი იყო. დიდი მოთხოვნის გამო, „უკრფოსტა “მარკების რაოდენობაზე შეზღუდვებს აწესებს, რომლის მხოლოდ ერთი ხელით შეძენა იქნება შესაძლებელი. ამასთან, „უკრფოსტა“ მარკას აღარ გადაბეჭდავს, ამიტომ, როგორც უწყებაში აცხადებენ, „თითოეული მარკა თავის ისტორიულ ღირებულებას შეინარჩუნებს“.

გემის მარკები უკვე უკრაინის ყველა რეგიონულ ცენტრში გამოჩნდა, ხერსონის, დონეცკის, ლუგანსკისა და ყირიმის გარდა, რისთვისაც უკრფოსტამ რეზერვი გადაინახა.

საფოსტო ოპერატორის პრესსამსახურის განცხადებაში, ასევე, ნათქვამია, რომ ზოგიერთი ადამიანი სპეკულაციური ფასით ნაყიდი მარკების გაყიდვას იწყებს. მაგალითად, ონლაინ მაღაზია Ebay-ზე ამ მარკის მქონე კონვერტი უკვე 1000 დოლარად იყიდება, რასაც „უკრფოსტა“ კატეგორიულად ეწინააღმდეგება.

„ჩვენი მარკით ვაჭორბას, ასევე, რაიმე საქველმოქმედო ან სხვა ინიციატივას მხარს არ ვუჭერთ, რადგან შეუძლებელია იმის დადგენა, თუ სად მიდის მარკების გაყიდვიდან მიღებული თანხა,“- ნათქვამია უკრფოსტის განცხადებაში. უწყება მარკის გაყიდვას მხოლოდ Prozorro-ს აუქციონის ვებგვერდ bit.ly/auktsion-marka-ზე მიიჩნევს დასაშვებად.

განცხადებაში ნათქვამია, რომ „უკრფოსტა“ შეზღუდვებს სპეკულაციის შესამცირებლად აწესებს, რომ რაც შეიძლება, მეტმა ადამიანმა შეძლოს, მარკების შეძენა. მაგალითად, 18 აპრილიდან ნებისმიერი ნომინალის მხოლოდ ერთ ხელში არაუმეტეს ხუთი ფურცლის შეძენა არის შესაძლებელი, თითო ფურცელზე კი ექვსი მარკა არის მოთავსებული.

ამასთან, ონლაინ მაღაზიაში ყველა შეკვეთა უქმდება, რადგან ზოგიერთი შეკვეთა 30 ათასზე მეტ მარკას მოიცავდა. ამ კვირაში ამოქმედდება განახლებული საფოსტო მარკეტი, რომელზეც მომხმარებლები შეკვეთის ხელახლა განთავსებას უფრო მოხერხებულად შეძლებენ. მყიდველები მიიღებენ დამატებით შეტყობინებას და გაუქმებული შესყიდვის ხელახლა გაფორმებას შეძლებენ. თუმცა დასაშვებია არაუმეტეს სამი ფურცლის შეკვეთა, ხოლო ერთსა და იმავე მისამართიდან სამ ფურცელზე მეტი შესყიდვა დაიბლოკება.

ამასთან, საფოსტო ოპერატორი მომხმარებლებს სთხოვს, გემის მარკები „ცივი გონებით,“ ანუ ისე შეისყიდონ, რომ მარკა რაც შეიძლება, მეტ ადამიანს მიუვიდეს და არა პირიქით, ერთ ადამიანს - ბევრი წერილი.“

„უკრფოსტამ“ რუსული ხომალდის „გარკვეული მიმართულებით“ გაშვების თემაზე ახალი უკრაინული საფოსტო მარკის დასამზადებლად კონკურსი ჯერ კიდევ 1-ელ მარტს გამოაცხადა. კონკურსზე 500-ზე მეტი ესკიზი წარმოადგინეს, საიდანაც 20 ფინალისტი შეირჩა, ვისი ნამუშევარიც ფილატელისტურ კრიტერიუმებს აკმაყოფილებდა. ხმის მიცემა უკრფოსტის Facebook-ის გვერდზე მიმდინარეობდა. გაიმარჯვა ესკიზმა, No3-მა, რომლის ავტორი უკრაინელი მხატვარი, ბორის გროხია. მის ესკიზს კენჭისყრაში მონაწილე 8000 მომხმარებლიდან 1700-მა ადამიანმა დაუჭირა მხარი.

bpn.ge