„ხელოვნურ ინტელექტს უახლოეს მომავალში დღევანდელთან შედარებით ბევრად უფრო ექსტრემალური შესაძლებლობები ექნება“, - თვლის უკრაინელი IT-მეწარმე ვიტალი მენიაილო.
სიცოცხლის გახანგძლივება, სამუშაო ადგილების ჩანაცვლება ნეირონული ქსელებით, თვითგანვითარებადი ხელოვნური ინტელექტი, ვირტუალური ციხეებიც კი, ეს უახლოესი ათწლეულების სრულად რეალური პერსპექტივაა.
ბოლო წლების მანძილზე მენიაილო გონებრივი პროცესების ავტომატიზების შესწავლითაა დაკავებული. მან უკვე შექმნა ადამიანის სხეულის სკანირების ტექნოლოგია, რომელიც ანალიზისთვის ჩვეულებრივი მარტივი ფოტო სურათი სჭირდება. ეს აპლიკაცია ონლაინ-რეჟიმში ტანსაცმილის მიზომვის და არჩევის შესაძლებლობას იძლევა.
„ხელოვნური ინტელექტი - ეს არის საკუთარი აზრობრივი ფუნქციების გადაცემა პროგრამისთვის, რომელიც მას ბევრად უფრო სწრაფად და ეფექტურად შეასრულებს. მაგალითად, ბარი რომელიც ადამიანის ხელის ანალოგია, რომელიც ორმოების ამოთხრის ამოცანას ბევრად უკეთესად უმკლავდება. ხელოვნური ინტელექტი ჩვენს ნაცვლად ჩვენივე სამუშაოს შეასრულებს“ - თვლის ვიტალი მენიაილო.
კომპანია Neurotrack –თან ერთად IT-ბიზნესმენი ავტომატური სწავლების და ნეირონული ქსელების გამოყენებით პროგრამულ უზრუნველყოფას წერს. ჭკვიანი მუზარადის, კომპიუტერული ხედვის და ნეიროფიზიოლოგიაში ცოდნის მეშვეობით ის ადამიანის ტვინის სიღრმეებში აღწევს.
უკრაინული აპლიკაციას სარეკლამო ტრენდების, მუსიკის პოპულარობის და ა.შ. ეთერში გასვლამდე პროგნოზირებს. ამას „ნეირომარკეტინგი“ ჰქვია - ეს ტექნოლოგიაა, რომელიც დასავლეთში დიდი პოპულარობით სარგებლობს.
პროგრამა ადამიანების თვალების მოძრაობების, პულსის, მიმიკის და თავის ტვინის აქტიურობას სწავლობს.
„მუზარადი სპეციალური აღჭურვილობით კომპოზიციის მოსმენის და რეკლამის ყურების პროცესში ადამიანების კონცენტრაციას და ჩართულობას ზომავს. ამ წელს ჩვენ ვქმნით პროდუქტს, რომელიც ამ სისტემის ავტომატიზებას ახდენს და ტვინის ფუნქციონირების შედეგებს სწრაფად ამუშავებს“ - განაცხადა მენიაილომ.
მისი თქმით, კომპანია ხელოვნურ ინტელექტში ინვესტირებას აპირებს, იმისთვის, რომ ადამიანების აზრები რაც შეიძლება სწრაფად წაიკითხოს და ახალ დონეზე გავიდეს.
delo.ua
მოამზადა თენგიზ აბლოთიამ
უკრაინა
