ხიდების მშენებლობა–რეაბილიტაციის მიმართულებით ერთ–ერთმა ყველაზე გამოცდილმა ქართულმა კომპანიამ „ენსისი“ მხოლოდ თბილისში, საქართველოს დამოუკიდებლობის ისტორიაში პირველი საავტომობილო ხიდის მშენებლობა და კიდევ 6–ზე მეტი ხიდის რეაბილიტაცია განახორციელა.
მათ შორის, კომპანიამ თბილისში ბარათაშვილის ხიდისა და მიმდებარე პანდუსების რეაბილიტაცია განახორციელა. ამ სიაშია ასევე მშრალი ხიდის რეაბილიტაცია, გულუას სახელობის ხიდის რეაბილიტაცია, მტკვრის უბეზე, მეტეხის ხიდთან მდებარე აივნის სარეკონსტრუქციო სამუშაოები, ასევე, მარშალ გელოვანის ქუჩისა და სარაჯიშვილის ქუჩის გადაკვეთაზე ორდონიანი კვანძის მოწყობა, ზაჰესის დასახლებაში, საავტომობილო ხიდის მშენებლობა, აეროპორტთან დამაკავშირებელი გზაგამტარი ხიდის სრული რეაბილიტაცია და სხვ.
„ენსისის“ ხიდების და გვირაბების მიმართულების ხელმძღვანელი ირაკლი ურუშაძე ხიდების უმთავრეს დანიშნულებად უსაფრთხოებას, დროის დაზოგვასა და კომფორტს ასახელებს.
„თანამედროვეობაში ხიდების პირველადი დანიშნულება ადამიანებისთვის კომფორტის შექმნა, დროის დაზოგვა, უსაფრთხოებაა. თითოეული ახალი თუ რეაბილიტირებული ხიდი ჩვენს ყოველდღიურობაზე ახდენს გავლენას. მოქალაქეები უფრო მარტივად, სწრაფად და უსაფრთხოდ მიდიან დანიშნულების ადგილამდე. რეალურად, ხიდი, ერთმანეთთან ისეთ ტერიტორიებს აკავშირებს, სადაც მისვლა გართულებული ან შეუძლებელია. გარდა ამისა, ნებისმიერი ქვეყნის ინფრასტრუქტურისთვის ხიდების მშენებლობა არის კრიტიკულად მნიშვნელოვანი კომპონენტი და ეს ტრანსპორტირებას უკავშირდება“, – მოგვითხრობს ირაკლი ურუშაძე.
XXI საუკუნეში, სტრატეგიული დანიშნულება არა მხოლოდ მდინარეებზე აგებულ, არამედ სწორედ გზაგამტარ ხიდებსაც დაეკისრა.
რაც შეეხება საქართველოს მასშტაბით, კომპანიას „ენსისი“ არაერთი ხიდის მშენებლობის და რეაბილიტაციის პროექტი აქვს განხორციელებული. მათ შორის, საინტერესო და სირთულეებით იყო გამორჩეული ზესტაფონი–ბაღდათის საავტომობილო გზაზე, მდინარე ყვირილაზე ახალი სახიდე გადასასვლელის სამშენებლო სამუშაოები. დავით მახარაშვილის თქმით, პროექტი 172,3 მეტრის სიგრძის ხიდის პროექტირებასა და მშენებლობას მოიცავდა. მშენებლობის პროცესი მდინარე ყვირილას კალაპოტში, რთულ მეტეოროლოგიურ და ჰიდროლოგიურ პირობებში მიმდინარეობდა.
NS