ვაქცინაციის მაღალი ტემპის გამო დანიაში რესტორნებში შესასვლელად კოვიდ-პასპორტების წარგენა სავალდებულო აღარ იქნება. ამ ინფორმაციას Euronews ავრცელებს. გამოცემის ცნობით, ცვლილება რესტორნების გარდა ასევე შეეხება სპორტულ ცენტრებსა და სილამაზის სალონებს.

აღსანიშნავია, რომ დანია პირველი ქვეყანა იყო ევროპაში, რომელმაც აპრილიდან რიგ დაწესებულებებში შესასვლელად კოვიდ-პასპორტის ან ტესტის ნეგატიური პასუხის წარდგენა სავალდებულო გახადა. Euronews-ის ინფორმაციით, ქვეყანაში მიმდინარე თვეში ღამის კლუბებიც გაიხსნება, სადაც კოვიდ-პასპორტის წარგენა ასევე არ იქნება საჭირო. ბოლო მონაცემებით, დანიაში, სადაც 5.8 მილიონი ადამიანი ცხოვრობს, 12 წელს ზემოთ მოსახლეობის 75%-ზე მეტმა ვაქცინების ორივე დოზა მიიღო. დანიის ხელისუფლების პროგნოზით 1 ოქტომბრამე ქვეყანაში 12 წელს ზემოთ მოქალაქეთა 90% ორივე დოზით იქნება ვაქცინირებული.

bpn.ge