„თბილისი ენერჯი“ერთ-ერთი პირველია საქართველოში მოქმედ კომპანიებს შორის, რომელიც ვაქცინაციის საყოველთაო კამპანიას გამოცხადების დღიდანვე შეუერთდა. კომპანიის მონაწილეობა გამოიხატება როგორც ვაქცინაციის პროცესში თანამშრომელთა აქტიური ჩართულობით, ასევე უსაფრთხო და კომფორტული მომსახურების პირობებით, რასაც „თბილისი ენერჯი“ აბონენტებთან ურთიერთობის დროს მიმართავს. კომპანია მილიონამდე ადამიანის უსაფრთხოებაზე ზრუნავს.
კომპანიის ტექნიკური დირექტორის გიგლა თამაზაშვილის განცხადებით, „თბილისი ენერჯი“ ხელმძღვანელობს პრინციპით: „ვაქცინა გვიცავს კოვიდით სიკვდილისგან“.
„პანდემია როგორც კი დაიწყო, იმთავითვე ავუბით მხარი იმ ღონისძიებებს, რაც პანდემიის კვალდაკვალ უნდა გატარებულიყო. ვაცნობიერებთ მაღალ სოციალურ პასუხისმგებლობას, რაც უსაფრთხოების მიმართულებით გვაკისრია. ჩვენთვის ეს პრინციპულად მნიშნელოვანია, რამდენადაც წარმოვადგენთ კომუნალური მომსახურების კომპანაის და გვაქვს უშუალო კავშირი მომხმარებლებთან და უამრავ ადამიანთან, რომელიც კომპანიაშია დასაქმებული. ზედმიწევნით ვიცავთ რეგულაციებს, უნიფორმით დაწყებული, პირბადეების ტარებისა და სხვა ვალდებულების დაცვით, რასაც რეგულაცია ითვალისწინებს. გარდა ამისა, შევქმენით სპეციალური კოვიდ ჯგუფები, რომლებიც ემსახურებიან ინფიცირებულ ან იზოლაციაში მყოფ აბონენტებს. თამამად შეგვიძლია თქმა, რომ ჩვენი მოსმახურების გარეშე არც ერთი აბონენტი არ დარჩენილა. სხვა არჩევანი არც გვაქვს, ვაქცინა გვიცავს სიკვდილსიგან და ეს არის ჩვენი კამპანიის სლოგანიც, რითაც უკლებლივ ყველა თანამშრომელი ხელმძღვანელობს“, - ამბობს „კომერსანტთან“ გიგლა თამაზაშვილი.
რაც შეეხება უშუალოდ ვაქცინაციის პროცესს, როგორც ,,თბილისი ენერჯის“ ტექნიკური დირექტორი აღნიშნავს, მენეჯმენტის 99% აცრილია და ვაქცინაცია აქტიურად მიმდინარეობს ქვედა რგოლის თანამშრომლებშიც, რომლებსაც ამისთვის ძალიან კომფორტული გარემო აქვთ შექმნილი.
„ვაქცინაცია გვიცავს და გვიქმნის ყველა შესაძლებლობას, რომ ადამიანებმა საავადმყოფოში მოხვედრის გარეშე გადავიტანოთ ვისრუსი. ამით, გარდა იმსია, რომ საკუთარ ჯანმრთელობას ვუფრთხილდებით, ჯანდაცვის სექტორსაც ვაძლევთ შეღავათს, უმკურნალონ მათ, ვისაც ჯანმრთელობის სხვა გართულება აქვთ და ჰოსპიტალიზაციას საჭიროებენ. საყოველთაო ვაქცინაციის პროცესის დაწყებისთანავე აიცრა სრულიად მენეჯმენტი და მიმდინარეობს 2000–მდე თანამშრომლის აცრაც. . ამით მაგალითი მივეცით სხვებსაც, რათა არ დარჩენილიყო კითხვა, მაგალითი გავხდით ყველა თანამშრომლისთვის, რომ გამოეჩინათ მაღალი პასუხისმგებლობა და აცრილიყვნენ“, - ამბობს თამაზაშვილი.
მისი თქმით, „თბილისი ენერჯი“ამ მხრივ თანამშრომლებს სთავაზობს მოქნილ გრაფიკს, ვისაც სურს აცრა და სპეციალური პირობები სჭირდებათ ამისთვის, შუძლია დროებით გათავისუფლდეს სამსახურეობრივი მოვალეობისგან. ასეთი მიდგომა არის აცრის შემდგომაც, რაც ადამაინებს, ვისაც მცირე ჯანმრთელობის პრობლემა ან თუნდაც დისკომფორტი შეიძლება შეექმნათ აცრის გამო, მარტივად გადაიტანონ.
მნიშვნელოვანია ის გარემოებაც, რომ ,,თბილისი ენერჯის“ თანამშრომლების უმეტესობა დისტანციურ რეჟმში მუშაობს და კომპანიის მხრიდან აქვს მაქსიმალური მხარდაჭერა, რომ სახლის პირობებში, ხარისხიანად შეასრულოს თავისი მოვალეობა, რაც კომპანიისა და ათიათასობით მომხმარებლის წინაშე აკისრია.
„დაახლოებით 1500 თანამშრომელი გვყავს. მათი დიდი ნაწილი დისტანციურ რეჟიმში გადავიყვანეთ. მინიმალური რაოდენობის თანამშრომელია, ვისაც სჭირდება სამსახურში მოსვლა, მათ ყველას ტრანსპორტით ვემსახურებით. ეს არის ის კონტიგენტი, რომლის ყოფნა სამუშაო ადგილზე აუცილებელია დედაქალაქის უწყვეტი გაზმომარაგებისთვის. ქოლ ცენტრში მომუშავეთა 98 % ქალაქს დისტანციურად ემსახურება. ვისაც კომპიუტერი არ აქვს, შეუძლია კომპანიის ტექნიკით ისარგებლოს. გამოძახებასთან, მოსახლეობის მიღებასა და სხვა საკითხებთან დაკავშირებით ჩვენ არანაირი პრობლემა არ შეგვქმნია. გარდა ამისა, კვირაში ერთხელ ვატარებთ უფასო ტესტირებას და ყველა თანამშრომელი, რომელსაც უწევს სამსახურში ყოფნა, მისი უსაფრთხოება მაქსიმალურად არის დაცული“, - ამბობს გიგლა თამაზაშვილი.
გარდა ამისა, „თბილისი ენერჯის“ ტექნიკური დირექტორი მოუწოდებს თბილისის მოსახლეობას, მაქსიმალურად დაიცვან უსაფრთხოების წესები გაზის მომარაგებასთან დაკავშირებით, ვინაიდან ცხელი ზაფხულია, ხოლო ბუნებრივი გაზი წარმოადგენს მომეტებული საფრთხის წყაროს და მოდუნება, თუნდაც იმ მოტივაციით, რომ კოვიდური სიტუაცია რთულია, უნდა გამოირიცხოს.
მარი ჩიტაია