2023 წელს ვერცხლის ფასმა შესაძლოა ათწლიან მაქსიმუმს მიაღწიოს და უნციაზე 30 დოლარი შეადგინოს. როგორც cnbc -სთან ინტერვიუში ავსტრალიური საიუველირო კომპანიის ABC Bullion-ის აღმასრულებელმა დირექტორმა ჯანი სიმპსონმა აღნიშნა, მაღალი ინფლაციის წლებში როგორც წესი ვერცხლის ფასი ყოველწლიურად თითქმის 20% - ით იზრდება , თუმცა ის ოქროსთან შედარებით მაინც იაფი რჩება.
„როგორც წესი, მაღალი ინფლაციის პირობებში ყოველწლიურად ვერცხლი თითქმის 20% - ით ძვირდება, შესაბამისად ამ ისტორიის გათვალისწინებით შესაძლოა ერთი უნცია ვერცხლის ფასმა 30 დოლარს მიაღწიოს,“ - აღნიშნა ჯანი სიმპსონმა.
ვერცხლის ფასმა 30 დოლარს ბოლოს 2013 წლის თებერვლის ბოლოში გადააჭარბა ხოლო 1980 წელს, აშშ-ში 13,5% - იანი წლიური ინფლაციის ფონზე ერთი უნცია ვერცხლის ღირებულება 49,45 დოლარი იყო.
ვერცხლი
