„ლარის კურსი ბოლო დროს საოცარ აღმავალ ტრაექტორიას აჩვენებს, რაც ჩემთვის ბოლომდე გასაგები არ არის, მიუხედავად იმისა, რომ არსებობს რამდენიმე ხელშემწყობი ფაქტორი, რომელთა შორისაა ექსპორტის ზრდა, ტურიზმის დინამიკა (უკრაინაში რუსეთის აგრესიის შედეგადგაზრდილი მიგრაციის გავლენით), ფულადი გზავნილების შედარებით სტაბილური ტრენდი, გამკაცრებული მონეტარული პოლიტიკა და სხვა“. - ამის შესახებ, რადიო “კომერსანტის“ ეთერში, გიორგი აბაშიშვილის საავტორო გადაცემაში “ბიზნესინსაიდერი“ ჯიპას პროფესორმა და ეროვნული ბანკის ყოფილმა ვიცე-პრეზიდენტმა მერაბ კაკულიამ აღნიშნა,.მისივე თქმით გლობალური კონტექსტის გათვალისწინებით, დოლარიც ევროს და სხვა ძირითადი ვალუტების მიმართ მყარდება, მსგავსი მასშტაბით დოლარი დიდი ხანია არ გამყარებულა.
„თუ გლობალურ კონტექსტს გავითვალისწინებთ, იგი ხასიათდება დოლარის მკვეთრი გამყარებით სხვა ძირითადი ვალუტების მიმართ. ევროსთანკი დოლარი პარიტეტისკენ მიისწრაფვის, რაც ძალიან დიდი ხანია არ მომხდარა. როცა დოლარი გლობალურად ასეთი მასშტაბით მყარდებოდა, ლარი დოლართან,თითქმის ყოველთვის, დაღმავალ დინამიკას ავლენდა.
პარალელურადრუსული რუბლიც მყარდება, რამდენადაც სანქციებისა და ბოიკოტის ფონზე რუსეთმა კაპიტალის კონტროლის მექანიზმები ჩართო და აიძულა ექსპორტიორები სავალუტო შემოსავლების 80 პროცენტი შიდა სავალუტო ბაზარზე გაყიდოს. მეორე მხრივ, იმპორტიც მკვეთრად შემცირდა.
რაც შეეხება ლარს, ვფიქრობ, რომ იგი ცოტა გადამყარებულია, რაზედაც მეტყველებს რეალური ეფექტური გაცვლითი კურსის ინდიკატორი. ანუ, დღეისათვის ლარი იმაზე რამდენადმე უფრო მყარია, ვიდრე უნდა იყოს, მაგრამ ეს იმას არ ნიშნავს, რომეროვნული ვალუტა აუცილებლად მკვეთრ დაღმავალ ტრაექტორიაზე გადავა“, - აღნიშნა მერაბ კაკულიამ.