ამერიკაში, ნიუ იორკში ქართული ღვინის გამოფენა Vinexpo America ტარდება. სტუმრები მსოფლიოს სხვადასხვა ქვეყნიდან 30 მდე ქართულ ღვინოს დააგემოვნებენ. ერთ-ერთი კომპანია, რომლის გამოფენაზე წარმოდგენილი მეღვინეობა „მტევინოა“. კომპანიის დამფუძნებელი ნიკა ზაუტაშვილი გვიყვება, რომ გამოფენაზე „მტევინო“ პრემიუმ კლასის 11 სახეობის ღვინოს წარადგენს. მისი თქმით, ამერიკის ბაზარს კომპანიისთვის უდიდესი მნიშვნელობა, „მტევინოს“ ექსპორტის 20% სწორედ ამერიკის ბაზარია:
„Vinexpo America ქართული ღვინის ექსპორტის განვითარებას ამერიკის შეერთებულ შტატებში ხელს მნიშვნელოვნად უწყობს. მიუხედავად პანდემიისა და მსოფლიოში დაძაბული ვითარებისა ქართული ღვინის ექსპორტი აშშ-ში მკვეთრად არის გაზრდილი. მოხარული ვარ, როდესაც ექსპორტის ზრდის ციფრებში „მტევინოს“ შედეგებს ვნახულობ. ეს მაჩვენებელი საქართველოსთვის დიდი წარმატება. დასავლური ღვინოებიდან ყურადღება მინდა ჭრებალოს მარანზე გავამახვილო, რომელიც წარმოდგენილია თავისი წულუკიძის თეთრათი და რაღა თქმა უნდა რაჭული ხვანჭკარით. ვფიქრობ, რომ ქართული ქართული ღვინო ყველაზე დიდ დიპლომატიურ რომს თამაშობს როგორც ამერიკასთან, ასევე მსოფლიოს სხვა ქვეყნებთან ურთიერთობის გამყარებაში.
ამ ყოველივეს ხელშეწყობისთვის, მინდა დიდი მადლობა გადავუხადო საქართველოს სოფლის მეურნეობის სამინისტროს, სოფლის მეურნეობის ყოფილ მინისტრს ბატონ ლევან დავითაშვილს და ღვინის ეროვნულ სააგენტოს. ასევე იმ ქართველებს რომლებიც ამერიკაში ცხოვრობენ, მოღვაწეობენ და პოპულარიზაციას უწევენ ქართულ ღვინოს. მინდა აღვნიშნო ჩემი პარტნიორის ამერიკის მოქალაქის, ბიზნესმენ მიხეილ კაბალენსკის თავდაუზოგავი შრომა ექსპორტის ციფრების ზრდისთვის . თითოეულ კომპანიას წარმატებას ვუსურვებ ამ ძალიან მნიშვნელოვან გამოფენაზე“ - განაცხადა მეღვინეობა „მტევინოს“ დამფუძნებელმა ნიკა ზაუტაშვილმა.
კომერსანტი