„ვითიბი ბანკის“ დაფინანსებით „აგროჰაბის“ ქსელი გაფართოვდა. ბიზნესის #1 ქომაგის  მხარდაჭერით, თბილისსა და ბათუმში ჰიპერმარკეტის ორი ახალი ფილიალი გაიხსნა.

პროექტი „ვითიბი ბანკში“ თავიდანვე საინტერესოდ მოეჩვენათ, მოეწონათ კონცეფცია და იდეა, რომ  მოსახლეობისთვის ნატურალური პროდუქტი შეეთავაზებინათ . „ვითიბი ბანკის“ კორპორაციული კლიენტების განყოფილების უფროსი შოთა გავაშელი ამბობს, რომ პროექტის წარმატება დრომ უკვე დაამტკიცა. შესაბამისად, ახალა ვითიბი ბანკი და „აგროჰაბი“ ახალ პროექტებზე მუშაობენ. გავაშელი დარწმუნებულია, რომ საიმედო ბიზნესპარტნიორთან თანამშრომლობით კიდევ ბევრ პროექტს განახორციელებენ.

„აგროჰაბი ის პროექტია, რომლის იდეა დავიჯერეთ, ჩავთვალეთ, რომ პერსპექტივა ჰქონდა და დავიწყეთ ამ ინიციატივის განხორციელება. ფაქტია, რომ პროექტმა გაამართლა და დღეს ჰიპერმარკეტების ქსელი წარმატებით მუშაობს. გარდა ამისა, „აგროჰაბში სხვადასხვა სახის წარმოებაა. მაგალითად, კომპანიას აქვს რძის გადამამუშავებელი ქარხანა, „აგროჰაბს“ გააჩნია საკუთარი ფრინველის, საქონლის და ღორის ფერმაც. როდესაც ვნახეთ, რომ კომპანია კარგად მუშაობდა, დავეხმარეთ კიდევ ორი ახალი ფილიალი გახსნაში „ვითიბი ბანკის“ და „აგროჰაბის“ თანამშრომლობა არის ნათელი მაგალითი იმისა, როგორ შეიძლება მოხერხდეს გრძელვადიანი ურთიერთობის დამყარება და წარმატების მიღწევა. კლიენტს სჭირდება თანადგომა, გაგება, მოსმენა, დალაპარაკება, რჩევის მიცემა და ა.შ. სწორედ ეს არის პარტნიორული ურთიერთობა. ამ ჯგუფს სამომავლოდ კარგი იდეები აქვს, რომელსაც სიამოვნებით გავყვებით და გავაგრძელებთ თანამშრომლობას“, - განაცხადა შოთა გავაშელმა.

სუპერმარკეტების ქსელის „აგროჰაბი“ დამფუძნებელი აკაკი ახვლედიანი იხსენებს, რომ „ვითიბი ბანკთან“ თანამშრომლობის გადაწყვეტილება 2015 წელს მიიღო, როდესაც მარშალ გელოვანის გამზირზე პირველი ობიექტი შეიძინა. ამბობს, რომ ბანკის არჩევა სტრატეგიული გადაწყვეტილებაა, რადგან, მისი თქმით, ყველა ბიზნეს რისკი კომპანიას საფინანსო ინსტიტუტთან ერთად აქვს დაზღვეული. ახვლედიანის განმარტებით, ბიზნესში ძალიან ბევრს ნიშნავს პარტნიორული ურთიერთობების და ნდობის ფაქტორის ჩამოყალიბება. შესაბამისად, „ვითიბი ბანკი“ აღმოჩნდა ის საფინანსო ინსტიტუტი, რომელსაც ენდო და მრავალწლიანი თანამშრომლობა დაიწყო.

„წლების განმავლობაში სხვადასხვა ბანკთან ვთანამშრომლობდი, ერთგვარი გამოკითხვა ჩავატარეთ, რა დროსაც ყველაზე კარგი პირობა  „ვითიბი ბანკმა“ შემოგვთავაზა. ბანკი მარტო სესხი და პროცენტი არ არის,  ბანკთან ურთიერთობა არის ნდობა, ნდობის ხარისხი კი ძალიან მაღალი იყო.  რა თქმა უნდა, მნიშვნელოვანია ის ტარიფებიც, რომელსაც ბანკი გვთავაზობს, ეს არის მომსახურების ტარიფები და საპროცენტო განაკვეთი. ამ შემთხვევაში „ვითიბი ბანკმა“ ყველაზე კარგი საპროცენტო განაკვეთი და მომსახურების ტარიფები შემოგვთავაზა. „ვითიბი ბანკთან“ თანამშრომლობას მომავალშიც ვგეგმავთ, გარკვეული პროექტების მონახაზი უკვე შემუშავებულია და ბანკმა მხარდაჭერაც გამოგვიცხადა“, - განმარტავს აკაკი ახვლედიანი.

®