გერმანული ავტომწარმოებელი VW ელექტრომობილის გამოშვებას გეგმავს, რომელიც 20 000 ევრომდე ეღირება. Volkswagen-ის ეს ელექტრომობილი ბაზარზე 2026-2027 წლებში გამოჩნდება.
ამის შესახებ Volkswagen-ის ბრენდის ხელმძღვანელმა თომას შეფერმა განაცხადა. ინფორმაციას Bloomberg-ი ავრცელებს.
მისივე თქმით, ჯერ არ არის გადაწყვეტილი სად აეწყობა ახალი ელექტრომობილი.
იმისათვის, რომ მისი ღირებულება მიზნობრივ ფასს არ ასცდეს, სავარაუდოდ, ევროპასთან შედარებით „უფრო იაფ ადგილას“ უნდა აეწყოს. ამავდროულად, კომპანიამ ცოტა ხნის წინ წარმოადგინა თავისი კომპაქტური ელექტრომობილის Volkwagen ID.2all კონცეფცია, რომელიც 2025 წელს გამო`ჩნდება ბაზარზე 25000 ევრომდე ეღირება, წერს გამოცემა.
მანქანას ექნება 223 ცხენის ძალის ძრავა. შეძლებს 100 კმ-მდე აჩქარებას შვიდ წამზე ნაკლებ დროში და დაფარავს დაახლოებით 480 მილს (772 კმ) ერთი დამუხტვით. მოდელს ისეთივე ფართო სალონი ექნება, როგორც Golf-ს აქვს და ისეთივე ხელმისაწვდომი ფასი ექნება, როგორც Poloს, აცხადებენ VW-ში.
ელექტრომობილების ეპოქაში VW-ს უჭირს ფეხი აუწყოს და არ ჩამორჩეს Tesla-ს ან შეაჩეროს მის მანქანებზე მოთხოვნის კლება ჩინეთში, სადაც ბოლო დროს ადგილობრივი ავტომწარმოებლები გაძლიერდნენ.