გერმანიის ავტომწარმოებელმა Volkswagen-მა (VW) 2022 წლის თავისუფალი ფულადი სახსრების (FCF) მიზანს, ლოჯისტიკური პრობლემების გამო, ვერ მიაღწია, რამაც მას გაუსაღებელი ინვენტარი დაუტოვა, ნათქვამია კომპანიის პრესრელიზში.

2022 წელს FCF-მა 5 მლრდ ევრო შეადგინა. მიზანი 2021 წლის მაჩვენებლის (8,6 მლრდ ევრო) შენარჩუნება იყო.

„მიზნისგან გადახვევა ძირითადად 2022 წელს მიწოდების არასტაბილურობით და მიწოდების ჯაჭვების შეფერხებითაა გამოწვეულია, განსაკუთრებით წლის ბოლოს. შედეგად, საბრუნავი კაპიტალი და, კერძოდ, მზა საქონლისა და ნედლეულის მარაგი წლის ბოლოს მოსალოდნელზე დიდი იყო“, - აღნიშნავენ VW-ში.

კომპანია ელოდება, რომ 2023 წლის განმავლობაში ვითარება გაუმჯობესდება.

წინასწარი მონაცემებით, VW-ის შემოსავალი 2022 წელს 11,5%-ით გაიზარდა და 279 მილიარდ ევრო შეადგინა. მანამდე კომპანია მაჩვენებლის 8-13%-ით ზრდას წინასწარმეტყველებდა.

საოპერაციო მოგებამ გასულ წელს, ერთჯერადი ფაქტორების გამოკლებით, წინასწარი შეფასებით, დაახლოებით 22,5 მლრდ ევრო შეადგინა.

ავტომწარმოებელი გასული წლის ანგარიშის გამოქვეყნებას 14 მარტს გეგმავს.

ბოლო 12 თვის განმავლობაში VW-ის კაპიტალიზაცია 36%-ით შემცირდა.