ბრიტანული უმსხვილესი ნავთობკომპანია ВР-ის ევროპაში მოქმედმა ნავთობგადამამუშავებელმა ქარხნებმა უარი თქვეს რუსულ ნავთობზე. ამის შესახებ განცხადება კომპანიის ხელმძღვანელმა ბერნარდ ლუნიმ ტელეკონფერენციის დროს გააკეთა.
კომპანიას ევროპის მასშტაბით 4 ქარხანა აქვს. ლუნის თქმით, ისინი „სუფთაა რუსული ნავთობისგან“.
„ჩვენ მოვახდინეთ სისტემის ადაპტირება და ახლა ჩვენი ევროპული ქარხნები არ ყიდულობენ რუსულ ნავთობს“, - განაცხადა ლუნიმ.
რაც შეეხება ნავთობის ფასების კომენტირებას, მისი თქმით, დღეისათვის მსოფლიოს არ მიეწოდება 1 მლნ ბარელი რუსული ნავთობი და ეს მოცულობა მაისში გაორმაგდება, როცა დაწესებული სანქციები ძალაში შევა. მისივე განცხადებით, ნავთობისა და გაზის კომერციული მარაგები საკმაოდ ცოტაა, ასევე ცოტაა თავისუფალი სიმძლავრეები, რაც ბაზარზე ბევრ გაურკვევლობას ქმნის სხვადასხვა მიმართულებით. „შესაბამისად, ფასები დარჩება მაღალი, თუმცა ВР ფასების შესახებ პროგნოზს წლის მეორე ნახევრიდან გადახედავს“ - განცხადა მან.
ცნობისთვის, ევროკავშირის მიერ დაწესებული სანქციები, რომელიც კრძალავს ნებისმიერ ტრანზაქციებს, რაც დაკავშირებულია რუსულ სახელმწიფო ნავთობკომპანიებთან, 15 მაისს ამოქმედდება. აკრძალვა არ შეეხება მხოლოდ ევროკავშირის ბაზრის მომარაგებას, ანუ იკრძალება კონტრაქტები ტრეიდერული მიზნებისთვის, თუმცა ნებადართულია ნავთობისა და ნავთობპროდუქტების ყიდვა ევროპის ბაზრის მომარაგებისთვის.