რუსეთის ცენტრალური ბანკი, Otkritie-ს VTB ბანკს 340 მილიარდ რუბლად მიჰყიდის. მხარეებმა გაყიდვაზე შეთანხმება უკვე გააფორმეს და ის ძალაში 31 დეკემბრამდე შევა. — ამის შესახებ ინფორმაციას reuters ავრცელებს.
თანხის ორი მესამედი ნაღდი ანგარიშწორებით, დანარჩენი კი ფედერალური სახის ობლიგაციებში, ვითიბის ბალანსიდან გადაიხდება.
რუსეთის ცენტრალური ბანკის დირექტორთა საბჭომ VTB-სთვის Otkritie ბანკის მიყიდვის შესახებ გადაწყვეტილება უკვე ოფიციალურად მიიღო.
კანონის თანახმად, რუსეთის ბანკის დირექტორთა საბჭოს PJSC Bank FC Otkritie-ს აქციების მათი საბაზრო ღირებულებით გაყიდვის უფლება აქვს.
DRT JSC-ის დამოუკიდებელმა შემფასებელმა მათი საბაზრო ღირებულება 328-374 მილიარდი რუბლის ფარგლებში შეაფასა. რუსეთის ცენტრალურმა ბანკმა და ვითიბი ბანკმა ხელშეკრულება Otkritie FC Bank PJSC-ის 100%-იანი აქციების გაყიდვის შესახებ გააფორმეს, რომლის მიხედვითაც აქციების შესყიდვის ფასი 340 მილიარდ რუბლს შეადგენს“, - აცხადებენ ცენტრალური ბანკში.
„მხარეები შეთანხმდნენ, რომ PJSC Otkritie FC Bank-ის აქციები ვითიბი ბანკის მფლობელობაში არაუგვიანეს 2022 წლის 31 დეკემბრამდე იმ შემთხვევაში გადავა, თუ ვითიბი ბანკი გადახდის ვალდებულებას სრულად შეასრულებს“, - ნათქვამია განცხადებაში.
ვითიბიმ ხელშეკრულების გაფორმება მედიასთან უკვე დაადასტურა.
„საბანკო ბიზნესის ინტეგრაციის გეგმა გარიგების დახურვის შემდეგ დამტკიცდება“, - აცხადებენ სახელმწიფო ბანკში. მათვე ცნობით Otkritie-ს მომხმარებლებისთვის კი არაფერი შეიცვლება, რადგან ვითიბი ძირითადი პროდუქტების და სერვისების შენარჩუნებას აპირებს.
VTB ბანკის ცნობით ბანკის ამჟამინდელ ხელმძღვანელს, მიხეილ ზადორნოვს კონტრაქტი 31 დეკემბერს ეწურება და ის ბანკს 1 იანვარს დატოვებს, ხოლო გამგეობის თავმჯდომარის თანამდებობაზე მიხეილ ალექსეევს წარადგენენ, რასაც ბანკი უკვე ოფიციალურად ადასტურებს. (თემაზე ადრე რუსული კომერსანტი წერდა). ბანკის წარმომადგენლები ასევე აცხადებენ რომ ცვლილებები მოსალოდნელია მენეჯმენტშიც.
VTB-ის აქციები გარიგების გამოცხადების შემდეგ მაქსიმუმ 5%-მდე გაიზარდა. ვითიბის აქციების საბაზრო კაპიტალიზაცია ჩვეულებრივ დაახლოებით 217,6 მილიარდი რუბლია, მაგრამ ბანკს აქვს ფინანსთა სამინისტროსა და დეპოზიტების დაზღვევის სააგენტოს საკუთრებაში არსებული არა სავაჭრო პრივილეგირებული აქციები (მთლიანობაში პრეფები შეადგენს ვითიბის აქციების მთლიანი რაოდენობის 80.1%-ს).